1

Get Adobe Flash player

ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ລົງເຄື່ອນໄຫວຜັນຂະຫຍາຍ ແລະ ໂຄສະນາເຜີຍແຜ່ຜົນສໍາເລັດຂອງກອງປະຊຸມສະໄໝສາມັນເທື່ຶອທີ 3 ຂອງສະພາແຫ່ງຊາດຊຸດທີ 8 ແລະ ສະພາປະຊາຊົນແຂວງຊຸດທີ 1 ໃນວັນທີ 11 ກັນຍາ 2017 ຜ່ານມາແລ້ວນີ້, ຢູ່ທີ່ 2 ຈຸດໃຫຍ່ຄື: ຈຸດເທດສະບານເມືອງ ແລະ ຈຸດບ້ານໜອງໂນ ກຸ່ມນາປົ່ງ ນໍາໂດຍທ່ານ ສົມເລັດ ຈຸລະມະນີ ກໍາມະການພັກແຂວງ ປະທານຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 14 ແຂວງ ສາລະວັນ, ມີບັນດາທ່ານ ຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານກຸ່ມບ້ານ, ພະນັກງານອາວຸໂສບໍານານ, ຫົວໜ້າຫ້ອງການ ຕະລອດຮອດພະນັກງານລັດຖະກອນອ້ອມຂ້າງເມືອງເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ບຸນປອນ ອາສາພິພັກ ກໍາມະການພັກແຂວງ ເລຂາພັກເມືອງ ເຈົ້າເມືອງຄົງເຊໂດນ ໄດ້ລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມຂອງເມືອງໂດຍຫຍໍ້ ໂດຍສະເພາະໃນທົ່ວເມືອງ ມີພົນລະເມືອງທັງໝົດ 64 ພັນ 300 ກວ່າຄົນ, ຍິງ 33 ພັນ 600 ກວ່າຄົນ, ມີຈໍານວນຄົວເຮືອນທັງໝົດ 11 ພັນ 200 ກວ່າຄົວເຮືອນ, ມີເນື້ອທີ່ 80 ພັນ 600 ກວ່າເຮັກຕາ, ໃນນັ້ນມີເນື້ອທີ່ນາແຊງ 4 ພັນກວ່າເຮັກຕາ, ເນື້ອທີ່ປູກເຂົ້ານາປີ 17 ພັນ 900 ກວ່າເຮັກຕາ.