1

Get Adobe Flash player

ໃນວັນທີ 7 ທັນວາ ນີ້ ເມືອງຄົງເຊໂດນ ໄດ້ຈັດພິທີປາຖະກະຖາກ່ຽວກັບວັນປະຫວັດສາດສໍາຄັນຂອງຊາດ ໂດຍໃຫ້ກຽດ ເປັນປະທານ ແລະ ເຜີຍແຜ່ຂອງທ່ານ ບຸນປອນ ອາສາພິພັກ ເຈົ້າເມືອງໆຄົງເຊໂດນ, ໃນພິທີມີບັນດາທ່ານຄະນະນໍາຂັ້ນເມືອງ ພ້ອມດ້ວຍພະນັງານລັດຖະກອນ ແລະ ສອງກໍາລັງປະກອບອາວຸດເຂົ້າຮ່ວມຮັບຟັງ.

ການປາຖະກະຖາໃນຄັ້ງນີ້ລວມມີ 4 ເອກະສານຄື: ວັນຊາດທີ 2 ທັນວາ ຄົບຮອບ 42 ປີ ( 2 ທັນວາ 1975 – 2 ທັນວາ 2017 ), ວັນຄ້າຍວັນເກີດປະທານໄກສອນ ພົມວິຫານຄົບຮອ97 ປີ ( 13 ທັນວາ 1920 – 13 ທັນວາ 2017 ), ວັນສາກົນລຶບລ້າງການໃຊ້ຄວາມຮຸນແຮງຕໍ່ແມ່ຍິງຄົບຮອບ 57 ປີ ( 25 ພະຈິກ 1960 – 25 ພະຈິກ 2017 ), ວັນຄົນພິການແຫ່ງຊາດ ແລະ ວັນຜູ້ສູງອາຍຸສາກົນ, ທັງ 4 ທ່ານຄື: ທ່ານ ບຸນປອນ ອາສາພິພັກ ເຈົ້າເມືອງໆຄົງເຊໂດນ, ທ່ານກໍ່າ ແສງມະນີ ຮອງເລຂາພັກເມືອງ, ທ່ານ ຄໍາເຜືອ ຄູນນິດໃສ ຄະນະປະຈໍາພັກເມືອງ ແລະ ທ່ານ ຄໍາວັງ ສີລິຍະ    ຄະນະປະຈໍາພັກເມືອງ ໄດ້ຜັດປ່ຽນກັນຂື້ນເລົ່າຄືນມູນເຊື້ອຂອງວັນສໍາຄັນປະຫວັດສາດ ໂດຍສະເພາະ ທ່ານ ບຸນປອນ ອາສາພິພັກ ໄດ້ຍົກໃຫ້ເຫັນ ຄວາມໝາຍຄວາມສຳຄັນຂອງ ວັນຊາດທີ 2 ທັນວາ ຜົນສໍາເລັດໃນການປົກປັກຮັກສາ ແລະ ພັດທະນາປະເທດຊາດ ໃນໄລຍະ 42 ປີຜ່ານມາ, ກ່ຽວກັບວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 97 ປີ ທ່ານໄດ້ເລົ່າຄືນຊີວິດ ການເຄື່ອນໄຫວປະຕິວັດ ຜົນງານ ແລະ ຄຸນງາມຄວາມດີເດັ່ນ, ເຊິ່ງທ່ານເປັນທີ່ເຄົາລົບຮັກຂອງປະຊາຊົນລາວບັນດາເຜົ່າ ຍືນຍົງໃນດວງໃຈຂອງພວກເຮົາຕະຫຼອດກາລະນານ, ພ້ອມນັ້ນຍັງໄດ້ ຮຽກຮ້ອງໃຫ້ສະມາຊິກພັກ - ພະນັກງານລັດຖະກອນຕ່າງໆ ຈົ່ງຮໍ່າຮຽນເອົາຄຸນສົມບັດ ສິນທໍາປະຕິວັດ ແລະ ແບບແຜນ ດໍາລົງຊີວິດຂອງພວກເພີ່ນ.ຈາກນັ້ນໃນຕອນບ່າຍຂອງວັນດ່ຽວກັນ ທ່ານ ບຸນທັນ ລືເດດມູນສອນ ຮອງເລຂາພັກເມືອງ ພ້ອມດ້ວຍຄະນະນໍາຂັ້ນເມືອງ, ໄດ້ພ້ອມກັນເຂົ້າວາງກະຕ່າດອກໄມ້ ຕໍ່ໜ້າຮູບປັ້ນ ທ່ານປະທານ ໄກສອນ ພົມວິຫານ ຢູ່ອະນຸສາວະລີ ອະນຸສອນສະຖານ ເນື່ອງໃນໂອກາດວັນຄ້າຍວັນເກີດຄົບຮອບ 97 ປີ ເພື່ອສະແດງຄວາມຮູ້ບຸນຄຸນ ຕໍ່ວິລະບູລຸດຂອງ   ຊາດລາວ ທີ່ໄດ້ນໍາພາປ່ວງຊົນລາວບັນດາເຜົ່າ ຍາດໄດ້ໄຊຊະນະ ແລະ ສະຖາປະນາສາທາລະນະລັດ ປະຊະຊາທິປະໄຕ ປະຊາຊົນລາວໃນວັນທີ 2 ທັນວາ 1975.