1

Get Adobe Flash player

    ອີງຕາມການລາຍງານຂອງ ວິຊາການໜ່ວຍງານປູກຝັງ ຂອງຫ້ອງການກະສິກໍາ - ປ່າໄມ້ເມືອງຄົງເຊໂດນ ແຂວງສາລະວັນ ລາຍງານໃນວັນທີ 18 ຕຸລາ 2017 ໃຫ້ຮູ້ວ່າ ເລີ່ມແຕ່ທ້າຍເດືອນກັນຍາ 2017 ມາຮອດປັດຈຸບັນນີ້ຊາວນາ - ຊາວກະສິກອນ ໃນທົ່ວເມືອງຄົງເຊໂດນ ຕ່າງກໍ່ໄດ້ເອົາໃຈໃສ່ຕໍ່ກັບການເກັບກ່ຽວມ້ຽນມັດເຂົ້ານາປີ ຂອງຕົນ ດ້ວຍຄວາມເຄັ່ງຮ້ອນ ແລະ ເປັນຂະບວນການຢ່າງກວາງຂວາງ ເຊິ່ງປັດຈຸບັນນີ້ ທົ່ວເມືອງສາມາດເກັບກ່ຽວມ້ຽນມັດ ເຂົ້ານາປີຂອງຕົນສໍາເລັດແລ້9 ພັນ 200 ກ່ວາເຮັກຕາ ເທົ່າກັບ 51 ສ່ວນຮ້ອຍ ຂອງເນື້ອທີ່ການຜະລິດໂຕຈິງທັງໝົດ 17 ພັນ 900 ກວ່າເຮັກຕາ ສະເລ່ຍສະມັດຕະພາບ 4 ໂຕນຕໍ່ເຮັກຕາ, ໃນນີ້ ເຂດທີ່ພົ້ນເດັ່ນ ໃນການເກັບກ່ຽວໄດ້ຫຼາຍກ່ວາໝູ່ ແມ່ນເຂດກຸ່ມຄົງ, ກຸ່ມຄໍາທອງ ແລະ ກຸ່ມນາປົ່ງ, ຄາດວ່າກາງເດືອນພະຈິກນີ້ ຈະສໍາເລັດ 100 ສ່ວນຮ້ອຍ, ຄຽງຄູ່ກັນນີ້ ຊາວກະສິກອນ ຍັງເອົາໃຈໃສຕໍ່ການເກັບກ່ຽວມ້ຽນມັດພຶດສໍາຮອງ ປັດຈຸບັນເກັບກູ້ໄດ້ 1 ພັນ 630 ກວ່າເຮັກຕາ ເທົ່າກັບ 37 ສ່ວນຮ້ອຍ ຂອງແຜນການປູກ 4 ພັນ 400 ກວ່າເຮັກຕາ ໃນນີ້ພືດທີ່ເກັບກູ້ມີ ໜາກເຜັດໜາກຖົ່ວດິນ, ໜາກແຕງ, ສາລີ, ກ້ວຍ, ຝ້າຍ, ມັນດ້າງ, ຢາສູບ ແລະ ພຶດຜັກຕ່າງໆ, ໜ່ວຍງານປູກຝັງ ຂອງຫ້ອງການກະສິກໍາ - ປ່າໄມ້ ເມືອງຄົງເຊໂດນ ຍັງແຈ້ງຕື່ມໃຫ້ຮູ້ວ່າ: ສໍາລັບປີ 2017 ນີ້ ເມືອງຄົງເຊໂດນ ມີແຜນການຈະສູ້ຊົນຜະລິດເຂົ້ານາແຊງ ໃຫ້ໄດ້ເຖີງ 2 ພັນ 390 ກວ່າເຮັກຕາ, ມີ 20 ໂຄງການ ໃນນີ້ຝາຍນໍ້າລົ້ນ 3 ໂຄງການ ປັດຈຸບັນນີ້ທາງຫ້ອງການກະສິກໍາ ແລະ ປ່າໄມ້ເມືອງ ໄດ້ຈັດສົ່ງພະນັກງານວິຊາການລົງສົມທົບກັບອໍານາດການປົກຄອງ ແລະ ພໍ່ແມ່ປະຊາຊົນບ່ອນທີ່ມີເງື່ອນໄຂ ເພື່ອກະກຽມຄວາມພ້ອມທຸກດ້ານໃນກາຜະລິດເຂົ້ານາແຊງປີໃຫ້ມີຄວາມວອງໄວ ແລະ ທັນກັບລະດູການ.

 

     ໃນວັນທີ 10 ພະຈິກ 2015 ນີ້ແຂວງສາລະວັນ ໄດ້ຈັດພິທີເປີດນໍ້າຂື້ນສູ່ລະບົບຊົນລະປະທານ ພິທີດັ່ງກ່າວໄດ້ຈັດຂື້ນຢູ່ທີ່   ບ້ານໜອງຄຸລຸ ກຸ່ມຄຳທອງ ເມືອງຄົງເຊໂດນ ຫ້ອງການກະສິກຳ ແລະ ປ່າໄມ້ເມືອງຄົງເຊໂດນ ແຂວງສາລະວັນ ໄດ້ຈັດພິທີການເປີດນ້ຳຂື້ນສູ່ຊົນລະປະທານເຂົ້າໃສ່ການຜະລິດລະດູແລ້ງສົກປີ 2015 – 2016 ຢ່າງເປັນທາງການ, ໂດຍການໃຫ້ກຽດ      ເຂົ້າຮ່ວມເປັນປະທານຂອງທ່ານ ຮອງ ສາດສະດາຈານ ຄຳພາດ ສຸລິນພູມີ ລັດຖະມົນຕີຊ່ວຍວ່າການກະຊວງກະສິກຳ - ປ່າໄມ້, ທ່ານ ບຸນທຽມ ພົມມະສະຖິດ ຮອງເລຂາພັກແຂວງ ປະທານຄະນະສາມະຊິກສະພາແຫ່ງຊາດເຂດເລຶອກຕັ້ງທີ່ 14 ແຂວງສາລະວັນ, ມີທ່ານໃນກຳມະການພັກແຂວງ, ເລຂາພັກເມືອງ, ຄະນະປະຈຳພັກເມືອງ, ຫົວໜ້າພະແນກ, ຮອງພະແນກ    ກະສິກໍາ - ປ່າໄມ້, ຫົວໜ້າຫ້ອງການກະສິກໍາ - ປ່າໄມ້ພາຍໃນ 8 ຕົວເມືອງ, ແຂກທີ່ຖຶກເຊີນຈາກຫ້ອງການອ້ອມຂ້າງເມືອງ ພ້ອມດ້ວຍອຳນາດການປົກຄອງພໍ່ແມ່ປະຊາຊົນ ແລະ ນ້ອງນ້ອຍນັກຮຽນເຂົ້າຮ່ວມຢ່າງຫຼວງຫຼາຍ.

     ໃນພິທີການທ່ານ ບຸນປອນອາສາພິພັກ ກຳມະການພັກແຂວງ ເລຂາພັກເມືອງເຈົ້າເມືອງໆຄົງເຊໂດນ ກໍ່ໄດ້ເປັນກຽດຂື້ນກ່າວເປີດພິທີການເປີດນ້ຳຂື້ນສູ່ຊົນລະປະທານເຂົ້າໃສ່ການຜະລິດລະດູແລ້ງປີນີ້ ຈາກນັ້ນບັນດາທ່ານທີ່ເຂົ້າຮ່ວມກໍ່ໄດ້ຮັບຟັງການຜ່ານບົດສະຫຼູບສະພາບໂດຍລວມ ໃນທົ່ວແຂວງສາລະວັນ ກ່ຽວກັບວຽກງານລະບົບຊົນລະປະທານ.