1

Get Adobe Flash player

ໃນຕອນເຊົ້າຂອງວັນທີ 16 / 10 / 2015 ເວລາ 08 ໂມງ 20 ນາທີ ​ໄດ້​ເປີດ​ກອງ​ປະຊຸມ​ລາຍ​ງາຍ​ສະພາບ 3  ຕົວ​ເມືອງ​ຂຶ້ນ ​ໂດຍ​ພາຍ​​ໃຕ້​ການ​ເປັນ​ປະທານ​ຂອງທ່ານ ບຸນ​ປອນ ອາສາ​ພິພັກ ກຳມະການ​ພັກ​ແຂວງ​  ເລຂາ​ພັກເມືອງ - ​ເຈົ້າ​ເມືອງ​ຄົງ​ເຊ​ໂດນ ເຊິ່ງ​ເຂົ້າ​ຮ່ວມ​ໃນ​ກອງ​ປະຊຸມ​ຄັ້ງ​ນີ້​ມີທ່ານ ຂາວ​ພອນ ສີຍາ​​ຈັນ ຮອງ​ເຈົ້າ​ເມືອງໆ​ຊະນະ​ສົມບູນ,   ທ່ານ ວົງລັດຕະນະ ​ແສງ​ຈັນ ​ຄະນະ​ປະຈຳ​ພັກເມືອງ ​ຫົວໜ້າ​ກອງ​ບັນ​ຊາ​ການ​ທະຫານ​ເມືອງ​ລະຄອນ​ເພັງ ມີ​ບັນດາ​ທ່ານ​ຕ່າງ​ໜ້າ​ທັງ​ສາມ​ຕົວ​ເມືອງ ​ແລະ ສອງ​ກອງ​ກຳລັງ, ຕ່າງ​ໜ້າ​ທະຫານ  ຊາຍ​ແດນ, ຕຳຫຼວດ​ຊາຍແດນ​, ກອງພັນ 17, ກໍາມະການ​ພັກ​ເມືອງ, ບັນດາ​ຫົວໜ້າ​ຫ້ອງການ, ​ເລຂາ​ຄະນະ​ພັກ​ຮາກ​ຖານ​ກຸ່ມບ້ານ ມີ​ຈໍານວນ​ຜູ້​ເຂົ້າ​ຮ່ວມ​ທັງ​ໝົດ 40 ສະຫາຍ, ຍິງ 01 ສະຫາຍ ແລະ ຈຸດປະສົງກໍ່ແມ່ນ:

 

-        ລາຍງານສະພາບ​ ຂອງ​ສາມ​ຕົວ​ເມືອງ​: ຄົງ​ເຊ​ໂດນ, ຊະນະ​ສົມບູນ ​ແລະ ​ເມືອງ​ລະຄອນ​ເພັງ ທີ່​ມີ​ຊາຍ​ແດນ​ຕິດ​ກັບປະ​ເທດ​ໄທ ກ່ຽວ​ກັບ​ສະພາບ​ຊາຍ​ແດນ, ສະພາບ​ການ​ເຄື່ອນ​ໄຫວ​ຂອງ​ສັດຕູ ​ແລະ ກຸ່ມ​ຄົນ​ບໍ່​ຫວັງດີ.

-       ລາຍງານສະພາບ​ການ​ເຄື່ອນ​ໄຫວ​ກາ​ນລັກລອບ​ຕັດ​ໄມ້​ທຳລາຍ​ປ່າ​ໃນ​ເຂດ​ພູ​ຊຽງ​ທອງ

-       ລາຍ​ງານ​ສະພາບ​ບັນຫາ​ການ​ຄ້າ​ຂາຍ​ຢາ​ເສບ​ຕິດ​, ສິ່ງ​ຜິດ​ກົດໝາຍ ​ແລະ ບັນຫາ​ປະກົດ​ການ​ຫຍໍ້ທໍ້ຕ່າງໆ.

​          ກອງ​ປະຊຸມ​ແມ່ນ​ໄດ້​ລາຍ​ງານ​ສະພາບ​ການ​ຕ່າງໆ​ທີ່​ເກີດ​ຂຶ້ນ ​​ແລະ ​ໄດ້​ສະ​ເໜີ​ຄຳ​ຄິດ​ຄຳ​ເຫັນ​ໃນ​ການ​ຕ້ານ​ແລະ ສະກັດ​ກັ້ນ​ປະກົດ​ການ​ຫຍໍ້​ທໍ້​ຕ່າງໆ, ພ້ອມ​ກັນ​ສະ​ເໜີ​ ທິດ​ທາງ​ການ​ແກ້​ໄຂ​ບັນຫາ​ຕ່າງໆ ​ທັງ​ໃນ​ສະ​ເພາະ​ໜ້າ ​ແລະ​ ຍາວ​ນານ ​​ເຊິ່ງຕ່າງ​ໜ້າ​ແຕ່​ລະ​ພາກສ່ວນ​ກໍໍ່ໄດ້​ເອົາ​ໃຈ​ໃສ່​ຕິດຕາມ, ຄົ້ນຄວ້າ​ວິທີ​ການ​ທີ່​ເໝາະ​ສົມ ທັນ​ກັບ​ສະພາບ​ການ​ທີ່​ເກີດ​ຂຶ້ນ.

 

ກອງປະຊຸມສະຫຼຸບວຽກງານປ້ອງກັນຊາດ - ປ້ອງກັນຄວາມສະຫງົບ 9 ເດືອນ ແລະ ວາງທິດທາງແຜນການທ້າຍປີ 2014 – 2015 ຂອງ 2 ເມືອງແນວໜ້າ ແລະ 3 ເມືອງໃຈກາງ ຂອງແຂວງສາລະວັນ ໄດ້ຈັດຂື້ນຢູ່ທີ່ສະໂມສອນໃຫຍ່ຂອງເມືອງຄົງເຊໂດນ ໂດຍພາຍໃຕ້ການເປັນປະທານຂອງທ່ານ ສີສຸວັນ ວົງຈອມສີ ເລຂາຄະນະພັກແຂວງ ເຈົ້າແຂວງໆສາລະວັນ, ທ່ານຄະນະປະຈຳ ພັກແຂວງ, ກຳມະການພັກແຂວງ, ເລຂາພັກເມືອງຂອງ 2 ເມືອງແນວໜ້າຄື: ເມືອງຄົງເຊໂດນ, ເມືອງລະຄອນເພັງ ແລະ 3 ເມືອງໃຈກາງຄື: ເມືອງສາລະວັນ, ເມືອງເລົ່າງາມ ແລະ ເມືອງວາປີ ພ້ອມດ້ວຍຫົວໜ້າພະແນກການ, ກອງບັນຊາການທະຫານແຂວງ, ກອງບັນຊາການ ປກສ ແຂວງ ແລະ ຫົວໜ້າຫ້ອງການໃນ 5 ເມືອງ ຊຶ່ງ​ມີ​ຜູ້ເຂົ້າຮ່ວມທັງໝົດ 100 ກວ່າສະຫາຍ, ຍິງ 10 ກວ່າສະຫາຍ, ໃນວາລະກອງປະຊຸມ ທ່ານ ເຄນຄໍາ ວໍລະຈິດ  ຫົວໜ້າກອງບັນຊາການປ້ອງກັນຊາດ - ປ້ອງກັນຄວາມສະຫງົບ ແຂວງສະລະວັນ ໄດ້ຂື້ນຜ່ານບົດສະຫຼຸບຂອງການຈັດຕັ້ງປະຕິບັດວຽກງານປ້ອງກັນຊາດ - ປ້ອງກັນຄວາມສະຫງົບ 9 ເດືອນ ແລະ ທິດທາງແຜນການທ້າຍປີ 2014 – 2015.