1

Get Adobe Flash player

ພະແນກສຶກສາທິການ ແລະ ກິລາ ແຂວງສາລະວັນ ຮ່ວມຫ້ອງການສຶກສາທິການ ແລະ ກິລາເມືອງຄົງເຊໂດນ ຈັດພິທີສະເຫຼີມສະຫຼອງວັນລ້າງມືສາກົນ 15 ຕຸລາ ຂອງໂລກ, ພິທີດັ່ງກ່າວໄດ້ຈັດຂື້ນໃນຕອນເຊົ້າຂອງວັນທີ 16 ຕຸລາ ນີ້ ທີ່ເດີນໂຮງຮຽນປະຖົມສົມບູນ ຄົງຄຸ້ມເໜືອ ເມືອງຄົງເຊໂດນ ແຂວງສາລະວັນ, ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ສົມຈິດ ເພັງສຸວັນນະວົງ ຮອງຫົວໜ້າພະແນກສຶກສາທິການ ແລະ ກິລາແຂວງ, ທ່ານ ສຸຂະວັນ ເພັງອະໄພສີ ຮອງຫົວໜ້າຫ້ອງການສຶກສາທິການ ແລະ ກິລາເມືອງ, ມີບັນດາທ່ານ  ຫົວໜ້າຂະແໜງການຈາກແຂວງ, ເມືອງ ພ້ອມດ້ວຍຄະນະພັດທະນາການສຶກສາຂັ້ນບ້ານ, ຄູອາຈານ ແລະ ນ້ອງນ້ອຍນັກຮຽນພາຍໃນ 7 ໂຮງຮຽນ ແລະ 7 ບ້ານເຂົ້າຮ່ວມ.

ອ່ານເພີ່ມເຕີມ... 

    ໃນຕອນເຊົ້າຂອງວັນທີ 30 ສິງຫາ 2017 ນີ້ ຢູ່ທີ່ສະໂມສອນຂອງໂຮງຮຽນ ມສ ຄົງເຊໂດນ ຫ້ອງການສຶກສາທິການ ແລະ ກິລາເມືອງຄົງເຊໂດນ ໄດ້ເປີດບັ້ນຮຽນການເມືອງ ໃຫ້ແກ່ພະນັກງານຄູອາຈານໃນ 4 ກຸ່ມຄື: ກຸ່ມຄົງເຊໂດນ, ກຸ່ມນາປົ່ງ, ກຸ່ມຕານປ່ຽວ ແລະ ກຸ່ມນາເມັກ ໂດຍພາຍໃຕ້ການເປັນປະທານຂອງທ່ານ ຄໍາເຜືອ ຄູນນິດໃສ ຄະນະປະຈໍາພັກເມືອງ ຮອງເຈົ້າເມືອງຜູ້ຊີ້ນໍາວຽກງານວັດທະນະທໍາສັງຄົມ, ທ່ານທອງຄໍາ ແສງຈັນ ຫົວໜ້າຫ້ອງການສຶກສາທິການ ແລະ ກິລາເມືອງ, ມີບັນດາທ່ານພະນັກງານ  ຄູອາຈານເຂົ້າຮ່ວມ.

 

ອ່ານເພີ່ມເຕີມ... 

    ກອງປະຊຸມຜູ້ບໍລິຫານການສຶກສາທິການ ແລະ ກິລິເມືອງຄົງເຊໂດນ ປະຈໍາສົກປີ 2017 ໄດ້ໄຂຂື້ນໃນຕອນເຊົ້າຂອງວັນທີ 11 ສິງຫາ 2017 ແລ້ວນີ້ ທີ່ສະໂມສອນໃຫຍ່ຂອງເມືອງ ໂດຍການເປັນປະທານຂອງທ່ານ ຄໍາເຜືອ ຄູນນິດໃສ ຄະນະປະຈໍາພັກເມືອງ ຮອງເຈົ້າເມືອງ ຜູ້ຊີ້ນໍາວຽກງານວັດທະນະທໍາ-ສັງຄົມ, ທ່ານ ທອງຄໍາ ແສງຈັນ ຫົວໜ້າຫ້ອງການສຶກສາທິການ ແລະ ກິລາເມືອງມີບັນດາທ່ານພະນັກງານອາວຸໂສບໍານານ, ຫົວໜ້າຫ້ອງການ ພ້ອມດ້ວຍຜູ້ບໍລິຫານການສຶກສາທິການ ແລະ ກິລາໃນທົ່ວເມືອງ ເຂົ້າຮ່ວມທັງໝົດ 140 ກວ່າຄົນ, ຍິງ 30 ກວ່າຄົນ,

 

ອ່ານເພີ່ມເຕີມ... 

ໃນວັນທີ 12 ຕຸລາ 2016 ແລ້ວນີ ຢູ່ທີ່ສະໂມສອນຂອງໂຮງຮຽນ ມສ ຄົງເຊໂດນ ຫ້ອງການສຶກສາທິການ ແລະ ກິລາເມືອງຄົງເຊໂດນ ແຂວງສາລະວັນ ໄດ້ຈັດພິທີສະເຫຼີມສະຫຼອງ ແລະ ຫວນຄືນມູນເຊື້ອວັນຄູແຫ່ງຊາດ 7 ຕຸລາ ຄົບຮອບ 22 ປີ ໂດຍການເປັນປະທານຂອງທ່ານ ທອງຄໍາ ແສງຈັນ ຫົວໜ້າຫ້ອງການສຶກສາທິການ ແລະ ກິລາເມືອງ, ໂດຍໃຫ້ກຽດເຂົ້າຮ່ວມຂອງທ່ານ ບຸນປອນ ອາສາພິພັກ ກໍາມະການພັກແຂວງ ລາຂາພັກເມືອງເຈົ້າເມືອງໆຄົງເຊໂດນ ມີເລຂາຄະນະພັກຮາກຖານ     ກຸ່ມບ້ານ, ຫົວໜ້າຫ້ອງການ, ພະນັກງານບໍານານ ພ້ອມດ້ວຍຄູອາຈານອ້ອມຂ້າງເມືອງເຂົ້າຮ່ວມທັງໝົດ 100 ກວ່າຄົນ.

 

ອ່ານເພີ່ມເຕີມ... 

   ໃນຕອນບ່າຍຂອງວັນທີ 19 ເມສາ 2016 ແລ້ວນີ້ ຢູ່ທີ່ສະໂມສອນຂອງໂຮງຮຽນ ມສ ຄົງເຊໂດນ ພະແນກສຶກສາທິການ ແລະ ກິລາແຂວງສາລະວັນ ສົມທົບກັບຫ້ອງການສຶກສາທິການ ແລະ ກິລາເມືອງຄົງເຊໂດນ ໄດ້ຈັດຕັ້ງພິທີປະກາດຫົວໜ້າຫ້ອງການສຶກສາທິການ ແລະ ກິລາເມືອງຜູ້ໃໝ່ ຂອງເມືອງຄົງເຊໂດນ. ໂດຍການເປັນປະທານຂອງທ່ານ ສີລິສັກ ຖະໝອມຮັກ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງ ໃຫ້ກຽດເຂົ້າຮ່ວມຂອງທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ ມີບັນດາທ່ານຫົວໜ້າຫ້ອງການອ້ອມຂ້າງເມືອງ, ແຂກທີ່ຖືກເຊີນ, ພະນັກງານວິຊາການຂັ້ນແຂວງ - ເມືອງ ແລະ ຜູ້ອໍານວຍການໂຮງຮຽນ ແລະ  ຄູອາຈານໃນທົ່ວເມືອງເຂົ້າຮ່ວມ.

ອ່ານເພີ່ມເຕີມ... 

    ໃນຕອນເຊົ້າຂອງວັນທີ 12 ພະຈິກ 2015 ນີ້ ເມືອງຄົງເຊໂດນ ໄດ້ຈັດພິທີປະກາດເປັນເມືອງຈົບການສຶກສາຊັ້ນມັດທະຍົມຕົ້ນບຳລຸງຂື້ນຢ່າງເປັນທາງການ ຢູ່ທີ່ສະໂມສອນຂອງເມືອງ ໂດຍການເຂົ້າຮ່ວມເປັນກຽດຂອງທ່ານ ບົວລານ ສີລິປັນຍາ ລັດຖະມົນຕີຊ່ວຍວ່າການ ກະຊວງສຶກສາທິການ ແລະ ກິລາ, ມີທ່ານ ບຸນທຽມ ພົມມະສະທິດ ຮອງເລຂາພັກແຂວງ ປະທານຄະນະສາມະຊິກສະພາແຫ່ງຊາດເຂດເລືອກຕັ້ງທີ່ 14 ແຂວງສາລະວັນ, ທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ ມີຫົວໜ້າພະແນກສຶກສາທິການ ແລະ ກິລາແຂວງ, ເມືອງ, ແຂກທີ່ຖືກເຊີນຈາກເມືອງອ້ອມຂ້າງ ພ້ອມດ້ວຍຄູອາຈານ ແລະ ນ້ອງນັກຮຽນ ເຂົ້າຮ່ວມທັງໝົດ 400 ກວ່າຄົນ.

 

ໂຮງຮຽນມັດທະຍົມຕອນຕົ້ນຄົງເຊໂດນ ເມືອງຄົງເຊໂດນ ແຂວງສາລະວັນ ໄດ້ຈັດພິທີສະເຫຼີມສະຫຼອງ ວັນຄູແຫ່ງຊາດຄົບຮອບ 21 ປີ ( 7 / ຕຸລາ / 1994 – 7 / ຕຸລາ / 2015 )  ພິທີດັ່ງກ່າວໄດ້ຈັດຂື້ນໃນວັນທີ 15 / ຕຸລາ / 2015 ທີ່ສະໂມສອນໂຮງຮຽນມໍຕົ້ນຄົງ ໂດຍມີທ່ານ ທອງເຫຼັກ ມະຫາມົນຕີ ຜູ້ອຳນວຍການໂຮງຮຽນມໍຕົ້ນຄົງ, ທ່ານໃນຕ່າງໜ້າຫ້ອງການສຶກສາ, ສະມາຄົມພໍ່ແມ່ນັກຮຽນ, ແຂກທີ່ຖືກເຊີນຈາກຫ້ອງການອ້ອມຂ້າງເມືອງ ແລະ ຂັ້ນບ້ານພ້ອມດ້ວຍຄູອາຈານ ພໍ່ແມ່ ຜູ້ປົກຄອງ ແລະ ນ້ອງນ້ອຍນັກຮຽນເຂົ້າຮ່ວມ ໃນພິທີການດັ່ງກ່າວບັນດາທ່ານ ແລະ ນ້ອງນ້ອຍນັກຮຽນ ກໍ່ໄດ້ຮັບຟັງ ການເລົ່າຄືນເຖິງມູນເຊື້ອປະຫວັດສາດຄວາມເປັນມາຂອງວັນຄູແຫ່ງຊາດ.

 

ນ້ອງນ້ອຍນັກຮຽນກໍ່ໄດ້ ມອບຊໍ່ດອກໄມ້ ແລະ ອວຍພອນໃຊໃຫ້ຄູ - ອາຈານທຸກທ່ານເນື່ອງໃນໂອກາດ ສະເຫຼີມສະຫຼອງວັນຄູແຫ່ງຊາດ ໃນພິທີດັ່ງກ່າວກໍ່ຍັງໄດ້ມອບຂອງຂວັນໃຫ້ນັກຮຽນດີເດັ່ນປະເພດຕ່າງໆນຳອີກ ເພື່ອເປັນກຳລັງໃຈ ແລະ ຂອງຂວັນໃນການຮຽນປີຜ່ານມາ ຕອນທ້າຍກໍ່ໄດ້ຮັບຊົມການສະແດງສິນລະປະ ແລະ ການແຂ່ງຂັນກິລາປະເພດຕ່າງໆຢ່າງເປັນຂະບວນການ ແລະ ເບີນບານມ່ວນຊື່ນ.

ໂຄງການກໍ່ສ້າງຫ້ອງຕໍ່ເຕີມຂອງໂຮງຮຽນປະຖົມລາວ - ຫວຽດ ບ້ານຄົງໃຫຍ່ ເມືອງຄົງເຊໂດນ ແຂວງສາລະວັນ ແມ່ນໂຄງການໜຶ່ງທີ່ໄດ້ຮັບທຶນຊ່ວຍເຫຼືອລ້າຈາກ ບໍລິສັດໂຊກໄຊ ຈະເລີນການຄ້ານະຄອນຫຼວງວຽງຈັນ ສົມທົບກັບທຶນຂອງບໍລິສັດເຊີນໄຊການຄ້າ ຂາອອກ - ຂາເຂົ້າເມືອງຄົງເຊໂດນ ເຊິ່ງໄດ້ ເລີ່ມລົງມືກໍ່ສ້າງຫ້ອງຕໍ່ເຕີມມາແຕ່ຕົ້ນເດືອນກໍລະກົດ 2015 ແລະ ໄດ້ສຳເລັດ 100% ໃນກາງເດືອນກໍລະກົດ 2015 ນີ້ ເຊີ່ງມີມູນຄ່າການກໍ່ສ້າງທັງໝົດ 88 ລ້ານກີບຜູ້ກ່າວມອບແມ່ນທ່ານ ເຊີນໄຊ ສົມໃຈນຶກບໍລິສັດເຊີນໄຊຂາອອກ - ຂາເຂົ້າເມືອງຄົງເຊໂດນ ແລະ ຜູ້ກ່າວຮັບແມ່ນທ່ານ ຄໍາເຜືອ ຄູນນິດໃສ ຄະນະປະຈຳພັກເມືອງ ຮອງເຈົ້າເມືອງໆຄົງເຊໂດນ, ຮອງຫົວໜ້າຫ້ອງວ່າການປົກຄອງເມືອງ, ພະນັກງານທີ່ກ່ຽວຂ້ອງ ພ້ອມດ້ວຍປະທານສະມາຄົມລາວ - ຫວຽດ, ຄູອາຈານ ແລະ ນ້ອງນ້ອຍນັກຮຽນເຂົ້າຮ່ວມເປັນສັກຂີພະຍານ.

 

ໃນຕອນເຊົ້າຂອງວັນທີ 1 ກັນຍາ 2015 ຢູ່ທີ່ສະໂມສອນໃຫຍ່ຂອງເມືອງຄົງເຊໂດນແຂວງສາລະວັນໄດ້ຈັດພິທີໄຂສົກຮຽນໃໝ່ສົກປີ 2015 – 2016 ຂື້ນຢ່າງເປັນທາງການໂດຍການເຂົ້າຮ່ວມເປັນປະທານ ຂອງທ່ານບຸນທັນ  ລືເດດມູນສອນຮອງເລຂາພັກເມືອງປະທານກວດກາພັກ - ລັດເມືອງທ່ານພູມີຫຼວງດ້ວງສິດທິເດດຮອງຫົວໜ້າຫ້ອງການສຶກສາທິການແລະກິລາເມືອງ, ທ່ານເລຂາຄະນະພັກຮາກຖານກຸ່ມບ້ານ, ຫົວໜ້າຫ້ອງການ, ພະນັກງານວິຊາການພ້ອມດ້ວຍຜູ້ອຳນວຍການໂຮງຮຽນ ໃນທົ່ວເມືອງແລະນັກຮຽນເຂົ້າຮ່ວມທັງໝົດ 400 ກວ່າຄົນແລະໃນພິທີໄຂສົກຮຽນໃໝ່ນີ້ທ່ານຮອງຫົວໜ້າຫ້ອງການສຶກສາແລະກິລາເມືອງໄດ້ຜ່ານ   ບົດສະຫຼຸບໃນສົກຮຽນ( 2014 – 2015 ແລະທິດທາງແຜນສົກຮຽນ 2015 – 2016 ).

 

ໃນຕອນທ້າຍຂອງພິທີໄຂສົກຮຽນໃໝ່ນີ້ບັນດາທ່ານການນຳຂອງເມືອງ, ເລຂາຄະນະພັກຮາກຖານກຸ່ມບ້ານ, ຫົວໜ້າຫ້ອງການພ້ອມດ້ວຍບັນດາຄູອາຈານແລະນັກຮຽນກໍ່ໄດ້ເຂົ້າສູ່ການເຄົາລົບທຸງແລະຮ້ອງເພງຊາດເພື່ອດຶງສົ່ງທຸງຂື້ນສູ່ປາຍເສົາສະແດງໃຫ້ຮູ້ວ່າໃນທົ່ວເມືອງຄົງເຊໂດນແຂວງສາລະວັນແມ່ນໄດ້ໄຂສົກຮຽນໃໝ່ຂອງສົກປີ 2015 – 2016 ຢ່າງເປັນທາງການແລ້ວ.

 

 

 

ຕອນເຊົ້າຂອງວັນທີ 23 ທັນວາ 2014 ນີ້ຄະນະນຳຂອງແຂວງ,​ ພະນັກງານທະຫານ,​ ຕຳຫຼວດຄູອາຈານນັກຮຽນຮູ້ນັກ​ສຶກສາຕະຫຼອດຮອດພໍ່ແມ່ປະຊາຊົນ​ເທດສະບານ​ເມືອງ​ສາລະ​ວັນ ​ໄດ້ອອກຕ້ອນຮັບຄະນະນັກກິລາຂອງແຂວງສາລະວັນທີ່ກັບມາຈາກການແຂ່ງຂັນງານມະຫາກຳກິລາແຫ່ງຊາດຄັ້ງທີ X ທີ່ແຂວງອຸດົມໄຊ ເຊິ່ງໄດ້ຈັດຂຶ້ນໃນລະຫວ່າງວັນທີ 13-21 ທັນວາ 2014 ທີ່ຜ່ານມານີ້ຢ່າງ​​ເປັນ​ຂະ​ບວນການ​ຟົດ​ຟື້ນ ​ແລະ ອົບ​ອຸ່ນ.​ ​

ອ່ານເພີ່ມເຕີມ...