1

Get Adobe Flash player

    ໃນຕອນບ່າຍຂອງວັນທີ 6 ມີຖຸນາ 2018 ຜ່ານມາແລ້ວນີ້, ຫ້ອງການແຮງງານສະຫວັດດີການ ແລະ ສັງຄົມ ເມືອງຄົງເຊໂດນ ແຂວງສາລະວັນ ໄດ້ລົງມອບເຄື່ອງຊ່ວຍເຫຼືອໃຫ້ຜູ້ທີ່ຖືກຜົນກະທົບຈາກລົມພະຍຸພັດ ໃນໄລຍະກາງເດືອນພຶດສະພາທີ່ຜ່ານມາ ເຊີ່ງມີຈຳນວນ 2 ບ້ານຂອງກຸ່ມນາປົ່ງຄື: ບ້ານນາໂພ ມີ 1 ຫຼັງຄາເຮືອນ ແລະ ບ້ານສົມສະອາດ ມີ 5 ຫຼັງຄາເຮືອນ ໃຫ້ກຽດກ່າວມອບເຄື່ອງຊ່ວຍເຫຼືອໃນຄັ້ງນີ້ ໂດຍທ່ານ ບົວພັນ ໄຊຍະວົງ ກຳມະການພັກເມືອງ ຫົວໜ້າຫ້ອງການສະຫວັດດີການ ແລະ ສັງຄົມເມືອງຄົງເຊໂດນ, ຝ່າຍຮັບແມ່ນຕ່າງໜ້າແຕ່ລະຄອບຄົວ, ໂດຍສ່ອງໜ້າທ່ານ ຄຳເຜືອ ຄູນນິດໃສ ຄະນະປະຈຳພັກເມືອງ ຜູ້ຊີ້ນຳວຽກງານວັດທະນະທຳ ແລະ ສັງຄົມ ພ້ອມດ້ວຍເລຂາພັກກຸ່ມ, ມີອຳນາດການປົກຄອງທັງສອງບ້ານ ແລະ ອົງການຈັດຕັ້ງທຸກຂັ້ນ ເຂົ້າຮ່ວມເປັນສັກຂີພະຍານ, ສຳລັບເຄື່ອງທີ່ນຳມາມອບໃນຄັ້ງນີ້ ແມ່ນສັງກະສີ ຈຳນວນ 210 ກວ່າແຜນ, ລວມມູນຄ່າທັງໝົດ 4 ລ້ານ 6 ແສນກວ່າກີບ. ສຳລັບການຊ່ວຍເຫຼືອໃນຄັ້ງນີ້ເຖີງວ່າຈະບໍ່ພຽງພໍ່ຕໍ່ຄວາມຕ້ອງການຂອງຜູ້ທີ່ຖືກຜົນກະທົບກໍ່ຕາມ ແຕ່ກໍ່ຍ້ອນຄວາມເປັນຫ່ວງເປັນໃຍ ແລະ ນ້ຳຈິດນ້ຳໃຈ ຂອງພັກ - ລັດ ທີ່ມີຕໍ່ພໍ່ແມ່ປະຊາຊົນຜູ້ທີ່ຖືກຜົນກະທົບໃນຄັ້ງນີ້.

 

            ໃນຕອນແລງ ຂອງວັນທີ 16 ມີນາ 2018 ຢູ່ທີ່ຫ້ອງການແຮງງານ ແລະ ສະຫວັດດີການ - ສັງຄົມ  ເມືອງຄົງເຊໂດນ ແຂວງສາລະວັນ ໄດ້ຈັດພິທີມອບ - ຮັບ ເງີນນະໂຍບາຍໃຫ້ແກ່ຜູ້ທີ່ມີຜົນງານ ແລະ ຄຸນງາມຄວາມດີ ໃນພາລະກິດຮັບໃຊ້ການປະຕິວັດຊາດ ປະຊາທິປະໄຕ ໂດຍປະຕິບັດຕາມດຳລັດ ວ່າດ້ວຍ ການປະຕິບັດນະໂຍບາຍຕໍ່ຜູ້ທີ່ມີຄຸນງາມຄວາມດີໃນພາລະກິດຮັບໃຊ້ການປະຕິວັດ ປະຊາທິປະໄຕ ສະບັບເລກທີ 272/ລບ, ລົງວັນທີ 16 ກັນຍາ 2015 ແລະ ຂໍ້ຕົກລົງຂອງກະຊວງແຮງງານ ແລະ ສະຫວັດດີການສັງຄົມ ສະບັບເລກທີ 4204/ຮສສ, ລົງວັນທີ 15 ພະຈິກ 2017, ວ່າດ້ວຍການປະຕິບັດນະໂຍບາຍ ເງີນອຸດໜູນເສຍສະຫຼະຊີວິດປະຈຳປີ 2017, ໃຫ້ກຽດເປັນປະທານພ້ອມທັງກ່າວມອບໃນພິທີຄັ້ງນີ້ ໂດຍແມ່ນທ່ານ ກ່ຳ ແສງມະນີ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ, ທ່ານ ຄຳເຜືອ ຄູນນິດໃສ    ຄະນະປະຈຳພັກເມືອງ ຮອງເຈົ້າເມືອງ ຜູ້ຊີ້ນຳວຽກງານວັດທະນະທຳສັງຄົມ, ພ້ອມດ້ວຍອຳນາດການປົກຄອງບ້ານ ແລະ ຄະນະກຳມະການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ ໃນການມອບເງີນອຸດໜູນໃນຄັ້ງນີ້.

ອ່ານເພີ່ມເຕີມ... 

ທ່ານ ທອງດີ ຈັນທະວົງ ສາມາຊິກສະພາແຫ່ງຊາດ ຮອງປະທານສະພາປະຊາຊົນ ເຂດທີ 14 ແຂວງສາລະວັນ ໄດ້ນໍາເອົາເຄື່ອງຊ່ວຍເຫຼືອປະເພດເຂົ້າສານໜຽວ ຈໍານວນ 2 ໂຕນ ລວມມູນຄ່າ 10 ລ້ານກວ່າກີບ ມາມອບໃຫ້ອໍານາດການປົກຄອງຂັ້ນເມືອງ ເພື່ອນໍາໄປແຈກຍາຍໃຫ້ພໍ່ແມ່ປະຊາຊົນ ຜູ້ທີ່ຖືກຜົນກະທົບໄພນໍ້າຖ້ວມຈາກພະຍຸຊົງກາ ໃນຄັ້ງວັນທີ 25 ຫາ 27 ກໍລະກົດຜ່ານມາ ເຊິ່ງມີຈໍານວນບ້ານທີຖືກຜົນກະທົບທັງໝົດ 64 ບ້ານ 3 ພັນ 406 ຄອບຄົວ, ມີຈໍານວນພົນ 22 ພັນ 838 ຄົນ, ຍິງ 11 ພັນ 591 ຄົນ, ພິທີມອບຮັບເຄື່ອງຊ່ວຍເຫຼືອໄດ້ຈັດຂື້ນໃນຕອນເຊົ້າຂອງວັນທີ 13 ຕຸລາຜ່ານມາແລ້ວນີ້ ທີ່ຫ້ອງວ່າການປົກຄອງເມືອງຄົງເຊໂດນ ຝ່າຍມອບໂດຍທ່ານ ທອງດີ ຈັນທະວົງ ສາມາຊິກສະພາແຫ່ງຊາດ ຮອງປະທານສະພາປະຊາຊົນ ແຂວງສາລະວັນ, ຕາງໜ້າຮັບໂດຍທ່ານ ຄໍາເຜືອ ຄູນນິດໃສ ຄະນະປະຈໍາພັກເມືອງ ຮອງເຈົ້່າເມືອງໆຄົງເຊໂດນ, ໂດຍມີຫຼາຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພະຍານນໍາໃນຄັ້ງນີ້.

    ທ່ານ ວໍລະສັກ ປະວົງວຽງຄໍາ ຄະນະອໍານວຍການສະຖານີວິທະຍຸກະຈາຍສຽງແຫ່ງຊາດລາວ ພ້ອມດ້ວຍສະມາຄົມ   ອາສາກູ້ໄພນະຄອນຫຼວງ 1624 ແລະ ຊຸມຊົນຄົນຮັກຊໍາເໜືອ ໄດ້ນໍາເອົາເຄື່ອງຊ່ວຍເຫຼືອທີ່ໄດ້ຈາກການລະດົມນຳກຸ່ມບໍລິສັດ ຫ້າງຮ້ານຕ່າງໆ ປະກອບມີ: ເຄື່ອງນຸ່ງຫົ່ມ ແລະ ເຂົ້າປາອາຫານແຫ້ງ ຄິດເປັນມູນຄ່າ 20 ລ້ານກວ່າກີບ, ມາມອບໃຫ້ອໍານາດການປົກຄອງຂັ້ນເມືອງຄົງເຊໂດນ ເພື່ອນໍາໄປແຈກຍາຍໃຫ້ພໍ່ແມ່ປະຊາຊົນ ຜູ້ທີ່ປະສົບເຄາະຮ້າຍຈາກໄພນໍ້າຖ້ວມໃນຄັ້ງນີ້ ພິທີມອບຮັບເຄື່ອງຊ່ວຍເຫຼືອໄດ້ຈັດຂື້ນໃນຕອນແລງຂອງວັນທີ 25 ສິງຫານຜ່ານມາແລ້ວນີ້ ທີ່ຫ້ອງວ່າການປົກຄອງເມືອງຄົງເຊໂດນ ຕ່າງໜ້າຮັບໂດຍ ທ່ານ ບຸນປອນ ອາສາພິພັກ ເລຂາພັກເມືອງ ເຈົ້່າເມືອງໆຄົງເຊໂດນ, ໂດຍມີຫຼາຍພາກສ່ວນທີ່ກ່ຽວຂ້ອງເຂົ້າຮ່ວມ.

 

    ໃນວັນທີ 14 ກໍລະກົດ 2016 ນີ້ ພະແນກແຮງງານສະຫວັດດີການ ແລະ ສັງຄົມ ແຂວງສາລະວັນ ສົມທົບກັບຫ້ອງການ    ແຮງງານສະຫວັດດີການ ແລະ ສັງຄົມເມືອງຄົງເຊໂດນ ໄດ້ຈັດພິທີມອບ - ຮັບເງີນນະໂຍບາຍ ຕາມດຳລັດ 272/ລບ ວ່າດ້ວຍການປະຕິບັດນະໂຍບາຍຕໍ່ຜູ້ທີ່ມີຜົນງານ ແລະ ຄຸນງາມຄວາມດີ ໃນພາລະກິດຮັບໃຊ້ການປະຕິວັດຊາດປະຊາທິປະໄຕຈໍານວນ 2 ທ່ານ   ໃນຈຳນວນເງີນ 37 ລ້ານ 7 ແສນ ກວ່າກີບ.

ອ່ານເພີ່ມເຕີມ... 

  ຜູ້ທີ່ຖືກເຄາະຮ້າຍຈາກໄຟໄໝ້ເຮືອນປະຊາຊົນ ໄດ້ຮັບເງີນຊ່ວຍເຫຼືອ ຈຳນວນ 3 ລ້ານ 9 ແສນກີບ ເງີນດັ່ງກ່າວແມ່ນໄດ້ມາຈາກກອງທຶນສົງເຄາະຂັ້ນເມືອງ, ພິທີມອບ - ຮັບເງີນຊ່ວຍເຫຼືອດັ່ງກ່າວໄດ້ມີຂື້ນໃນວັນສຸກທີ່ຜ່ານມາແລ້ວນີ້. ທີ່ບ້ານເມືອງເກົ່າກຸ່ມຄໍາທອງ ເຊິ່ງກ່າວມອບໂດຍທ່ານ ຄຳເຜືອ ຄູນນິດໃສ ຄະນະປະຈຳພັກເມືອງ ຮອງເຈົ້າເມືອງໆຄົງເຊໂດນ ແລະ ກ່າວຮັບໂດຍແມ່ນແຕ່ລະຄອບຄົວທີ່ຖືກເຄາະຮ້າຍດັ່ງກ່າວ ພ້ອມດ້ວຍທ່ານ ຕາວັນລອນ ພົມມະສູນທອນ ຮັກສາການຫົວໜ້າຫ້ອງການສະຫວັດດີການ ແລະ ສັງຄົມເມືອງມີເລຂາຄະນະພັກຮາກຖານກຸ່ມ, ພະນັກງານທີ່ກ່ຽວຂ້ອງ ແລະ ອຳນາດການປົກຄອງບ້ານເຂົ້າຮ່ວມ.

ອ່ານເພີ່ມເຕີມ...