1

Get Adobe Flash player

    ໃນຕອນເຊົ້າຂອງວັນທີ 6 ມີຖຸນາ 2018ຜ່ານມານີ້, ຢູ່ທີ່ຫ້ອງປະຊຸມ ຂອງຫ້ອງການຖະແຫຼງຂ່າວ,ວັດທະນະທຳ ແລະ ທ່ອງທ່ຽວ ເມືອງຄົງເຊໂດນ, ແຂວງສາລະວັນ ໄດ້ຈັດຕັ້ງກອງປະຊຸມຂື້ນພາຍໃຕ້ການເປັນປະທານ ຂອງທ່ານຄຳເຜືອ ຄູນນິດໃສ ຄະນະປະຈຳພັກເມືອງ ທັງແມ່ນຜູ້ຊີ້ນຳວຽກງານວັດທະນະທຳ - ສັງຄົມ, ທ່ານ ນາງ ແກ້ວອຸດອນ ອິນທະວົງ ຫົວໜ້າຫ້ອງການ ຖວທ ເມືອງ, ມີຄະນະຮັບຜິດຊອບວຽກງານ ການສ້າງຄອບຄົວ, ບ້ານ, ກຸ່ມບ້ານ ແລະ ກົມກອງວັດທະນະທຳ ຂັ້ນເມືອງເຂົ້າຮ່ວມທັງໝົດ 23ທ່ານ, ເນື້ອໃນກອງປະຊຸມແມ່ນການສະຫຼຸບຕີລາຄາຄືນ, ດ້ານດີ, ດ້ານອ່ອນ, ຂໍ້ຄົງຄ້າງ ພ້ອມຫາວິທີແກ້ໄຂຮ່ວມກັນ   ເພື່ອໃຫ້ວຽກງານການສ້າງນາມມະຍົດຂອງແຕ່ລະບ້ານ, ແຕ່ລະກຸ່ມບ້ານ ໃຫ້ມີການຮ່ວມມືກັນໃນທຸກຂະແໜງການທີ່ກ່ຽວຂອງ ເພື່ອໃຫ້ໄດ້ມາດຖານຂອງການສ້າງຄອບຄົວ, ບ້ານ, ກຸ່ມບ້ານ ແລະ ກົມກອງວັດທະນະທຳໃຫ້ບັນລຸຕາມແຜນທີ່ວາງໄວ ເຊິ່ງແມ່ນເອົາຫ້ອງການ ຖວທ ເປັນຈຸດໃຈກາງໃນການປະສານງານຂອງທຸກຂະແໜງການ ແລະ ມີການສະຫຼຸບຕີລາຄາຄືນແຕ່ລະວຽກງານ ໃນທຸກໆ 3ເດືອນ, 6ເດືອນ ແລະ 1 ປີ.

 

     ໃນຕອນເຊົ້າຂອງວັນທີ 10 ພຶດສະພາ 2018 ວິຊາການ ຫ້ອງການທະແຫຼ່ງຂ່າວວັດທະນະທຳ ແລະ ທ່ອງທ່ຽວ  ຮ່ວມກັບຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ, ຫ້ອງວ່າການປົກຄອງເມືອງຄົງເຊໂດນ ໂດຍການປະສານສົມທົບກັບຄະນະພັກກຸ່ມຕານປ່ຽວ ອຳນາດການປົກຄອງຂັ້ນບ້ານຕານປ່ຽວ ແລະ ບ້ານນາຄຳ ລົງສຳຫຼວດປັກຫລັກໝາຍເຂດຄຸ້ມຄອງ ແຫຼ່ງທ່ອງທ່ຽວແກ້ງຄັນຕ່າຍ ເພື່ອເປີດເປັນແຫຼ່ງທ່ອງທ່ຽວເມືອງຄົງເຊໂດນ ແຂວງສາລະວັນ ໃນອະນາຄົດ.

 

 

 

      ໃນວັນທີ 5 ພຶດສະພາ 2018 ຜ່ານມາ ເມືອງຄົງເຊໂດນ ແຂວງສາລະວັນ  ໄດ້ຈັດງານບຸນບັ້ງໄຟເຊິ່ງຕິດພັນກັບການຫົດສົງນໍ້າພຣະພູຄົງ ທີ່ ເດີ່ນສາລາຖໍ້າພຣະພູຄົງ. ໂດຍການເປັນປະທານຂອງ ທ່ານ ກໍ່າ ແສງມະນີ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ທັງເປັນປະທານຈັດງານບຸນບັ້ງໄຟ, ໃຫ້ກຽດເຂົ້າຮ່ວມຂອງ ທ່ານ ພົນຈັດຕະວາ ພູວຽງ ຫຼ່ຽມມະວົງສາ ຄະນະປະຈຳພັກແຂວງ ຫົວໜ້າກອງບັນຊາການທະຫານ ແຂວງສາລະວັນ, ມີທ່ານເຈົ້າເມືອງ - ຮອງເຈົ້າເມືອງອ້ອມຂ້າງ ພ້ອມດ້ວຍມວນຊົນເຂົ້າຮ່ວມຊົມ ແລະ ມີບັນຍາກາດຄຶກຄື້ນມ່ວນຊື່ນ.

 

 

 

     ກອງປະຊຸມປືກສາຫາລືສ້າງແກ້ງຄັນຕ່າຍເປັນແຫຼ່ງທ່ອງທ່ຽວຂັ້ນເມືອງຄົງເຊໂດນ, ແຂວງສາລະວັນ ໃນຕອນແລງຂອງວັນທີ 02 ພຶດສະພາ 2018, ຫ້ອງການຖະແຫຼງຂ່າວວັດທະນະທຳ ແລະ ທ່ອງທ່ຽວຮ່ວມກັບກຸ່ມຕານປ່ຽວ ເປີດກອງປະຊຸມປືກສາຫາລື ແລະ ເກັບກຳຂໍ້ມູນພື້ນຖານ ໂດຍການເປັນປະທານຮ່ວມຂອງທ່ານ ວິໄລພອນ ດວງມະນີຈັນ ກຳມະການພັກເມືອງ ເລຂາຄະນະພັກກຸ່ມຕານປ່ຽວ, ທ່ານ ສີລາ ໄຊຍະສິດ ຮອງຫົວໜ້າຫ້ອງການ ຖ.ວ.ທ ເມືອງ ເຊິ່ງມີຫົວໜ້າຫ້ອງການ, ຮອງຫົວໜ້າຫ້ອງການທີ່ກ່ຽວຂ້ອງ, ວິຊາການທີ່ດິນ, ຄະນະພັກກຸ່ມ, ອຳນາດການປົກຄອງ ແລະ  ພໍ່ແມ່ປະຊາຊົນເຂົ້າຮ່ວມຢ່າງຫຼວງຫຼາຍ, ສະຖານທີ່ແມ່ນຢູ່ຫ້ອງການກຸ່ມຕານປ່ຽວ ເພື່ອຈະສ້າງແກ້ງຄັນຕ່າຍ ເປັນແຫຼ່ງທ່ອງທ່ຽວຂອງເມືອງ ທີ່ສາມາດສ້າງລາຍຮັບໃຫ້ແກ່ປະຊາຊົນຊາວເມືອງຄົງເຊໂດນ ໂດຍສະເພາະແມ່ນຊາວບ້ານຕານປ່ຽວ ແລະ ບ້ານນາຄຳ ໃຫ້ມີລາຍຮັບເພີ່ມຂື້ນ.

 

 

 

           ເພື່ອເປັນການສະເຫຼີມສະຫຼອງ ໃຫ້ແກ່ປີທ່ອງທ່ຽວລາວ 2018 ໃຫ້ເປັນຂະບວນຝົດຟື້ນ ແລະ ມີຄວາມໝາຍຄວາມສຳຄັນ, ພິເສດເມືອງຄົງເຊໂດນ ແຂວງສາລະວັນ ແມ່ນໄດ້ກຳນົດເອົາ 5 ກິດຈະກຳຫຼັກ ເພື່ອສະເຫຼີມສະຫຼອງໃຫ້ວັນດັ່ງກ່າວ ແລະ ງານເທດສະການ ຫົດສົງພະທາດກະເດົາທຶກ ກໍ່ແມ່ນໜື່ງໃນ 5 ກິດຈະກຳທີ່ທາງເມືອງໄດ້ກຳນົດເອົາ.

ອ່ານເພີ່ມເຕີມ... 

 

     ການຈັດງານປີທ່ອງທ່ຽວລາວ 2018 ​​ແລະ ງານ​ເທດສະການ​ປີ້ງ​ໄກ່​ໃຫຍ່ ບ້ານ ນາ​ປົ່ງ ຄົບຮອບ 100 ປີ. ​ໄດ້ດຳ​ເນີນ​ມາ​ເປັນ​ເວລາ 3 ວັນ 4 ຄືນ, ນັບ​ແຕ່​ວັນທີ 26-28/02/2018 ເຊີ່ງໃຫ້ກຽດເຂົ້າຮ່ວມໂດຍທ່ານ ພົ.ວ ພູວຽງ ຫຼ່ຽມມະວົງສາ ຄະນະປະຈຳພັກເມືອງ ຫົວໜ້າກອງບັນຊາການທະຫານແຂວງ, ທ່ານ ສົມໃຈ ອຸ່ນຈິດ ກຳມະການພັກແຂວງ ຫົວໜ້າພະແນກ ຖວທ ແຂວງ, ບັນດາທ່ານໃນຄະນະປະຈຳພັກເມືອງ, ກຳມະການພັກເມືອງ,  ເລຂາຄະນະພັກຮາກຖານກຸ່ມ ຫົວໜ້າຫ້ອງການ, ພະນັກງານປະຕິວັດອາວຸໂສບຳນານ, ອະດີດການນໍາຂອງແຂວງ, ຂອງເມືອງ ພະນັກງານ-ລັດຖະກອນ, ກຳລັງປະກອບອາວຸດ, ແຂກພາຍໃນ ແລະ ຕ່າງປະເທດ, ນັກທຸລະກິດ, ພໍ່ຄ້າຊາວຂາຍ ຕະຫຼອດຮອດພໍ່ແມ່ພີ່ນອ້ງ ຊາວ​ເມືອງຄົງເຊໂດນເຂົ້າຮ່ວມຢ່າງຟົດຟື້ນ.

ອ່ານເພີ່ມເຕີມ... 

         ເພື່ອເປັນການສືບທອດຮີດຄອງປະເພນີ ແລະ ວັດທະນະທຳອັນດີງາມຂອງຊາດກໍ່ຄືຂອງທ້ອງຖີ່ນຊາວເມືອງຄົງເຊໂດນ ແຂວງສາລະວັນ ທັງເປັນການບູລະນະ ສ້າງສາພັດທະນາວັດວາອາຣາມ ໃຫ້ຈະເລີນຮຸ່ງເຮືອງໄປເທື່ອລະກ້າວ ພ້ອມທັງຕ້ອນຮັບປີທ່ອງທ່ຽວລາວ 2018 ທີ່ເມືອງຄົງເຊໂດນ ໄດ້ຈັດພິທີງານບຸນມະຄະບູຊາ ແລະ ສະເຫຼີມສະຫຼອງ - ນະມັດສະການ ພຣະພຸດທະຮູບອົງຕື້ ທີ່ວັດສີມັງຄະລາລາມ ບ້ານໂອກາດໃຫຍ່ ເມືອງຄົງເຊໂດນ ແຂວງສາລະວັນ ປະຈຳປີ 2018 ເຊິ່ງຈະຈັດຂື້ນໃນວັນທີ 29 - 30 - 31 ມັງກອນ 2018 ນີ້ ໃຫ້ກຽດເຂົ້າຮ່ວມໃນຄັ້ງນີ້ໂດຍທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆ    ຄົງເຊໂດນ ພ້ອມດ້ວຍຄະນະປະຈຳພັກເມືອງ, ກຳມະການພັກເມືອງ, ພຣະອາຈານ ສູນທອນ ຈັນທະວັງໂສ ປະທານ ອພສ ເມືອງ    ຄົງເຊໂດນ ບັນດາຫົວໜ້າຫ້ອງການ, ຮອງຫ້ອງການພາຍໃນເມືອງ, ອົງການຈັດຕັ້ງບ້ານ 14 ໝູ່ບ້ານ ຜູ້ຊົງຄຸນວຸດທິ ຕະຫຼອດຮອດພໍ່ແມ່ປະຊາຊົນບັນດາເຜົ່າເຂົ້າຮ່ວມ.

ອ່ານເພີ່ມເຕີມ... 

ບ້ານໜອງໂນ 71 ຄອບຄົວໄດ້ຮັບໃບຢັ້ງຢືນນາມມະຍົດເປັນຄອບຄົວວັດທະນະທຳໃໝ່ ໃນວັນທີ 10 ພະຈິກ 2017 ນີ້ ຢູ່ທີ່ສາລາໂຮງທໍາບ້ານ ໜອງໂນ ກຸ່ມນາປົ່ງ ເມືອງຄົງເຊໂດນ ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງ ໄດ້ຈັດພິທີມອບ-ຮັບໃບຢັ້ງຢືນຄອບຄົວວັດທະນະທຳໃໝ່ ໃຫ້ແກ່ບ້ານໜອງໂນ ໃຫ້ກຽດເຂົ້າຮ່ວມເປັນປະທານ ແລະ ມອບ-ຮັບໃບຢັ້ງຢືນໃນຄັ້ງນີ້ໂດຍທ່ານ ຄຳເຜືອ ຄູນນິດໃສ ຄະນະປະຈໍາພັກເມືອງ ຮອງເຈົ້າເມືອງໆຄົງເຊໂດນ ທັງແມ່ນຜູ້ຮັບຜິດຊອບວຽກງານວັດທະນະທຳມີບັນດາທ່ານຫົວໜ້າຫ້ອງການ ພ້ອມດ້ວຍອະນຸກໍາມະການໃນການກໍ່ສ້າງຄອບຄົວວັດທະນະທຳຂັ້ນເມືອງ, ບ້ານ ແລະ ພໍ່ແມ່ປະຊາຊົນພາຍໃນບ້ານເຂົ້າຮ່ວມ 100 ກວ່າຄົນ ຍິງ 40 ກວ່າຄົນ.

ອ່ານເພີ່ມເຕີມ... 

ຫ້ອງການຖະແຫຼງຂ່າວ - ວັດທະນະທໍາ ແລະ ທ່ອງທ່ຽວເມືອງ ສົມທົບກັບອໍານາດການປົກຄອງ ແລະອົງການຈັດຕັ້ງພໍ່ແມ່ປະຊາຊົນທັງ 3 ບ້ານຄື: ບ້ານຄົງນະຄອນ, ບ້ານແກ້ງຕະຫວັງ ແລະ ບ້ານໜອງສະພັງ ໄດ້ສົມທົບກັນຈັດພິທີມອບ - ຮັບໃບຢັ້ງຢືນໃຫ້ຄອບຄົວວັດທະນະທໍາໃໝ່ ພິທີດັ່ງກ່າວໄດ້ຈັດຂື້ນໃນວັນທີ 4 ພະຈິກ 2017 ທີ່ສະໂມສອນຂອງອົງການຈັດຕັ້ງມະຫາຊົນ, ໂດຍການເປັນປະທານຂອງທ່ານ ຄໍາເຜືອ ຄູນນິດໃສ ຄະນະປະຈຳພັກເມືອງ ຮອງເຈົ້າເມືອງໆຄົງເຊໂດນ ທັງແມ່ນຜູ້ຮັບຜິດຊອບໃນຂົງເຂດ  ວຽກງານວັດທະນະທໍາສັງຄົມ, ທ່ານ ນາງ ແກ້ວອຸດອນ ອິນທະວົງ ຫົວໜ້າຫ້ອງການຖະແຫຼງຂ່າວ - ວັດທະນະທຳ ແລະ ທ່ອງທ່ຽວ, ທ່ານ ສີທັນດອນ ເລຂາຄະນະພັກວ່າການແທນກຸ່ມຄົງ, ບັນດາທ່ານແຂກທີ່ຖືກເຊີນຈາກຫ້ອງການອ້ອມຂ້າງເມືອງ ພ້ອມດ້ວຍອໍານາດການປົກຄອງ ແລະ ພໍ່ແມ່ປະຊາຊົນພາຍໃນ 3 ບ້ານເຂົ້າຮ່ວມ.

ອ່ານເພີ່ມເຕີມ... 

ເພື່ອເປັນການສືບສານວັດທະນະທຳອັນດີງາມ ຂອງຊາດກໍ່ຄືຂອງທ້ອງຖີ່ນຊາວເມືອງຄົງເຊໂດນ ແຂວງສາລະວັນ ທີ່ໄດ້ສືບທອດຕໍ່ໆກັນມາແຕ່ບູຮານນະການນັ້ນ ໃຫ້ຍືນຍົງຕະຫຼອດໄປ ງານບຸນອອກພັນສາປະວໍລະນາ ແລະ ຊ່ວງເຮືອປະຈຳປີ 2017 ທີ່ນ້ຳເຊໂດນ ເມືອງຄົງເຊໂດນ ໄດ້ຈັດຂື້ນຢ່າງເບີກບານມ່ວນຊື່ນ ເຊິ່ງມີເຮືອເຂົ້າຮ່ວມຊິງໄຊທັງໝົດ 20 ລໍາ, 29 ຄະນະ, ພິທີເປີດການແຂ່ງຂັນຊ່ວງເຮືອທີ່ນ້ຳເຊໂດນ ປະຈຳປີ 2017 ແມ່ນຈັດຂື້ນໃນຕອນເຊົ້າຂອງວັນທີ 6 ຕຸລາ 2017 ນີ້ ໃຫ້ກຽດເຂົ້າຮ່ວມຊົມການແຂ່ງຂັນຄັ້ງນີ້ມີທ່ານ ສີສຸວັນ ວົງຈອມສີ ກຳມະການສູນກາງພັກ ເລຂາພັກແຂວງ ເຈົ້າແຂວງໆສາລະວັນ, ທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ, ທ່ານຮອງເລຂາພັກແຂວງ, ກຳມະການພັກແຂວງ ພ້ອມດ້ວຍຄະນະປະຈຳພັກເມືອງ ກຳມະການພັກເມືອງ, ມີບັນດາຄະນະນຳຂັ້ນຕ່າງໆ ແຂກທີ່ຖຶກເຊີນ, ອົງການຈັດຕັ້ງທີ່ກ່ຽວຂ້ອງ ຕະຫຼອດຮອດພໍ່ແມ່ປະຊາຊົນບັນດາເຜົ່າເຂົ້າຮ່ວມ.

ອ່ານເພີ່ມເຕີມ... 

ເພື່ອເປັນການສືບສານວັດທະນະທຳອັນດີງາມ ຂອງຊາດກໍ່ຄືຂອງທ້ອງຖີ່ນຊາວເມືອງຄົງເຊໂດນ ແຂວງສາລະວັນ ທີ່ໄດ້ສືບທອດຕໍ່ໆກັນມາແຕ່ບູຮານນະການນັ້ນ ໃຫ້ຍືນຍົງຕະຫຼອດໄປ ງານບຸນອອກພັນສາປະວໍລະນາ ແລະ ຊ່ວງເຮືອປະຈຳປີ 2016 ທີ່ນ້ຳເຊໂດນ ເມືອງຄົງເຊໂດນ ໄດ້ຈັດຂື້ນຢ່າງເບີກບານມ່ວນຊື່ນ ເຊິ່ງມີເຮືອເຂົ້າຮ່ວມຊິງໄຊທັງໝົດ 43 ລຳ, ພິທີເປີດການແຂ່ງຂັນຊ່ວງເຮືອທີ່ນ້ຳເຊໂດນ ປະຈຳປີ 2016 ແມ່ນຈັດຂື້ນໃນຕອນເຊົ້າຂອງວັນທີ 17 ຕຸລາ 2016 ນີ້ ໃຫ້ກຽດເຂົ້າຮ່ວມຊົມການແຂ່ງຂັນຄັ້ງນີ້ມີທ່ານ ສີສຸວັນ ວົງຈອມສີ ກຳມະການສູນກາງພັກ ເລຂາພັກແຂວງ ເຈົ້າແຂວງໆສາລະວັນ, ທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ, ທ່ານຮອງເລຂາພັກແຂວງ, ກຳມະການພັກແຂວງ ພ້ອມດ້ວຍຄະນະປະຈຳພັກເມືອງ ກຳມະການພັກເມືອງ, ມີບັນດາຄະນະນຳຂັ້ນຕ່າງໆ ແຂກທີ່ຖຶກເຊີນ, ອົງການຈັດຕັ້ງທີ່ກ່ຽວຂ້ອງ ຕະຫຼອດຮອດພໍ່ແມ່ປະຊາຊົນບັນດາເຜົ່າເຂົ້າຮ່ວມ.

ອ່ານເພີ່ມເຕີມ... 

ໃນຕອນບ່າຍຂອງວັນທີ 20 ຕຸລາ 2015 ນີ້ ຢູ່ທີ່ຫ້ອງຂອງທ່ານຄະນະປະຈຳພັກເມືອງຮອງເຈົ້າໆຄົງເຊໂດນບໍລິສັດເບຍລາວຈຳກັດ ໄດ້ນຳເອົາເຄື່ອງອຸປະຖຳຊຸກຍູ້ງານບຸນຊ່ວງເຮືອທີ່ເມືອງຄົງເຊໂດນ ແຂວງສາລະວັນ, ມີເງີນສົດຈຳນວນ 5 ລ້ານກີບ, ປ້າຍໂຄສະນາງານບຸນຊ່ວງເຮືອຂ້າມທາງ, ນ້ຳດື່ມຫົວເສືອ, ນ້ຳຫວານແປັບຊີ, ເສື້ອເບຍລາວ, ໜວກເບຍລາວ ແລະ ເຄື່ອງໃຊ້ປະເພດຈອກ,ພາຖາດ ແລະ ອື່ນໆຫຼາຍຢ່າງລວມມູນຄ່າ 8 ລ້ານ 7 ແສນກ່ວາກີບ, ໂດຍການກ່າວມອບຂອງທ່ານ ຈັນທະລາ ໂພທິສານ ພະນັກງານພະແນກການຕະຫຼາດ ຂອງບໍລິສັດເບຍລາວ, ທ່ານ ເຊີນໄຊ ສົມໃຈນຶກ ແລະ ຝ່າຍຮັບແມ່ນທ່ານ ຄຳເຜືອ ຄູນນິດໃສ ຄະນະປະຈຳພັກເມືອງ ຮອງເຈົ້າເມືອງໆຄົງເຊໂດນ ເປັນຜູ້ກ່າວຮັບເຄື່ອງຊ່ວຍເຫຼືອໃນຄັ້ງນີ້.