1

Get Adobe Flash player

ໃນວັນທີ 13 ຕຸລາ 2017 ເວລາ 2 ໂມງ 00 ນາທີ ໄດ້ຈັດພິທີມອບ - ຮັບໜ້າທີ່ ລະຫວ່າງ ຮັກສາການຫົວໜ້າຫ້ອງວ່າການປົກຄອງເມືອງ ແລະ ຫົວໜ້າຫ້ອງວ່າການປົກຄອງເມືອງຄົງເຊໂດນ ຜູ້ໃໝ່, ໂດຍການເຂົ້າຮ່ວມເປັນສັກຂີພິຍານໂດຍທ່ານ ຄຳເຜືອ ຄູນນິດໃສ ຄະນະປະຈຳພັກເມືອງ ຮອງເຈົ້າເມືອງໆຄົງເຊໂດນ, ບັນດາສະຫາຍກຳມະການພັກເມືອງ, ຫົວໜ້າຫ້ອງການ, ຮອງຫ້ອງການ ແລະ ພະນັກງານຫຼັກແຫຼ່ງຂອງຫ້ອງວ່າການປົກຄອງເມືອງເຂົ້າຮ່ວມຢ່າງພ້ອມພຽງ.

ອ່ານເພີ່ມເຕີມ... 

   ກອງປະຊຸມຄົບຄະນະບໍລິຫານງານພັກເມືອງຄົງເຊໂດນ ແຂວງສາລະວັນ ຄັ້ງທີ 4 ສະໄໝທີ VII ໄດ້ໄຂຂື້ນໃນວັນທີ 21 ກໍລະກົດ 2016 ນີ້ ຢູ່ທີ່ສະໂມສອນໃຫຍ່ຂອງເມືອງ ໂດຍການເປັນປະທານຂອງທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ ໃຫ້ກຽດເຂົ້າຮ່ວມ ກອງປະຊຸມໃນຄັ້ງນີ້ມີທ່ານ ພັອ ພູວຽງ ຫຼ່ຽມມະວົງສາ ຄະນະປະຈຳພັກແຂວງ ເລຂາຄະນະພັກ ຫົວໜ້າກອງບັນຊາການທະຫານແຂວງສາລະວັນ, ມີບັນດາທ່ານຄະນະປະຈຳພັກເມືອງ, ກໍາມະການພັກເມືອງ, ຫົວໜ້າຫ້ອງການ, ພະນັກງານບຳນານເຂົ້າຮ່ວມ 50 ກວ່າທ່ານ.

ອ່ານເພີ່ມເຕີມ... 

  ໃນວັນທີ 7 ກໍລະກົດ 2016ນີ້, ທີ່ຫ້ອງປະຊຸມຂອງຫ້ອງວ່າການປົກຄອງເມືອງຄົງເຊໂດນ ໄດ້ຈັດກອງປະຊຸມສະຫຼຸບຕີລາຄາການນຳພາການເຄື່ອນໄຫວໃນຂົງເຂດວຽກງານຂອງຄະນະປະຈຳພັກເມືອງ, ໂດຍພາຍໃຕ້ການເປັນປະທານຂອງທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ, ມີຄະນະປະຈຳພັກເມືອງ, ເລຂາຄະນະພັກຮາກຖານ      ພ້ອມດ້ວຍຫົວໜ້າຫ້ອງການເຂົ້າຮ່ວມທັງໝົດເກືອບ 40 ກວ່າທ່ານ.

ອ່ານເພີ່ມເຕີມ... 

   ເມ່ືອງຄົງເຊໂດນ ແຂວງສາລະວັນ ໄດ້ຈັດກິດຈະກຳເພື່ອສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ເຊິ່ງພິທີໄດ້ຈັດຂື້ນໃນຕອນເຊົ້າຂອງວັນທີ 7 ມີນາ 2016 ນີ້ ຢູ່ທີ່ສະໂມສອນໃຫຍ່ຂອງເມືອງໂດຍໃຫ້ກຽດເຂົ້າຮ່ວມຂອງທ່ານ ພັອ ພູວຽງ ຫຼ່ຽມມະວົງສາ  ຄະນະປະຈຳພັກແຂວງ ຫົວໜ້າກອງບັນຊາການທະຫານແຂວງສາລະວັນ ມີທ່ານຄະນະປະຈຳພັກເມືອງ, ກຳມະການພັກເມືອງ, ເລຂາຄະນະພັກຮາກຖານກຸ່ມບ້ານ, ຫົວໜ້າຫ້ອງການ, ພ້ອມດ້ວຍພໍ່ແມ່ຜູ້ປົກຄອງເດັກ ແລະ ຫຼານນ້ອຍໃນທົ່ວເມືອງເຂົ້າຮ່ວມຢ່າງຫຼວງຫຼາຍ

ອ່ານເພີ່ມເຕີມ... 

ຫ້ອງການກໍາມາທິການເພື່ອຄວາມກ້າວໜ້າຂອງແມ່ຍິງ, ວຽກແມ່ ແລະ ເດັກນ້ອຍເມືອງຄົງເຊໂດນ ໄດ້ຈັດກອງປະຊຸມສະຫຼຸບວຽກງານການເຄື່ອນໄຫວເພື່ອຄວາມກ້າວໜ້າຂອງແມ່ຍິງ ແລະ ເດັກນ້ອຍ 6 ເດືອນຕົ້ນປີ ແລະ ວາງແຜນການເຄື່ອນໄຫວ 6 ເດືອນທ້າຍປີ 2015 – 2016 

ອ່ານເພີ່ມເຕີມ... 

   ທ່ານ ສີສຸວັນ ວົງຈອມສີ ກຳມະການສູນກາງພັກ ເລຂາພັກແຂວງເຈົ້າແຂວງໆສາລະວັນ ພ້ອມດ້ວຍທ່ານກຳມະການພັກແຂວງ ແລະ ຫົວໜ້າພະແນກການອ້ອມຂ້າງແຂວງ ໄດ້ລົງພົບປະໂອ້ລົມ ແລະ ເຮັດວຽກຢູ່ເມືອງຄົງເຊໂດນ ໃນວັນທີ 4 / ພຶດສະພາ / 2016 ແລ້ວນີ້ ໂດຍໃຫ້ກຽດຮັບຕ້ອນຢ່າງອົບອຸ່ນຈາກທ່ານ   ບຸນປອນ ອາສາພິພັກ ກໍາມະການພັກແຂວງ, ເລຂາພັກເມືອງເຈົ້າເມືອງໆຄົງເຊໂດນ, ມີທ່ານຄະນະປະຈຳພັກເມືອງ, ກຳມະການພັກເມືອງ,  ຫົວໜ້າຫ້ອງການ, ພະນັກງານບໍານານ, ເລຂາຄະນະພັກຮາກຖານກຸ່ມບ້ານພ້ອມດ້ວຍເລຂາໜ່ວຍພັກບ້ານເຂົ້າຮ່ວມ.

ອ່ານເພີ່ມເຕີມ... 

    ກອງປະຊຸມເປີດກວ້າງຄົບຄະນະບໍລິຫານງານພັກເມືອງຄົງເຊໂດນ ແຂວງສາລະວັນ ຄັ້ງທີ 3 ສະໄໝທີ VII ແມ່ນໄດ້ດຳເນີນມາເປັນເວລາໜຶ່ງວັນ, ໃນວັນທີ 22 / ເມສາ / 2016 ນີ້ ຢູ່ທີ່ສະໂມສອນໃຫຍ່ຂອງເມືອງ. ພາຍໃຕ້ການເປັນປະທານຂອງທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ, ມີທ່ານ ໃນຄະນະປະຈຳພັກເມືອງ, ກຳມະການພັກເມືອງ, ພະນັກງານອາດິດການນຳຂັ້ນເມືອງ, ເລຂາຄະນະພັກຮາກຖານ, ຫົວໜ້າຫ້ອງການອ້ອມຂ້າງເມືອງເຂົ້າຮ່ວມທັງໝົດ 50 ກວ່າສະຫາຍ ຍິງ 4 ສະຫາຍ.

ອ່ານເພີ່ມເຕີມ... 

       ເພື່ອເປັນການສຶບສານວັດທະນະທຳອັນດີງາມ ຂອງຊາດກໍ່ຄືຂອງທ້ອງຖິ່ນຊາວເມືອງຄົງເຊໂດນ ໄດ້ຈັດການຊ່ວງເຮືອປະເພນີຂື້ນ ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ສີສຸວັນ ວົງຈອມສີ ເລຂາຄະນະບໍລິຫານງານພັກແຂວງ ເຈົ້າແຂວງໆສາລະວັນ, ທ່ານຮອງເລຂາພັກແຂວງ, ກຳມະການພັກແຂວງ, ຮອງເລຂາພັກເມືອງ, ຄະນະປະຈຳພັກເມືອງ ມີບັນດາຄະນະນຳຂັ້ນຕ່າງໆ ແຂກທີ່ຖືກເຊີນ ມວນຊົນທັງພາຍໃນ ແລະ ຕ່າງປະເທດເຂົ້າຮ່ວມ ໃນພິທີການທ່ານ ຄຳເຜືອ ຄູນນິດໃສ ຄະນະປະຈຳພັກເມືອງ ຮອງເຈົ້າເມືອງໆຄົງເຊໂດນ ປະທານຜູ້ຈັດງານ ໄດ້ຂື້ນກ່າວເປີດງານແຂ່ງຂັນສີພາຍເຮືອຊ່ວງປະຈຳປີ 2015 ຂື້ນຢ່າງເປັນທາງການ ມີເຮືອຊ່ວງເຂົ້າຮ່ວມແຂ່ງຂັນທັງໝົດ 24 ລຳ, ເຮືອຊວງຍິງ 11 ລຳ, ໃນນີ້ມີເຮືອຊ່ວງປະເພນີຊາຍ - ຍິງ 12 ລຳ, ເຮືອຊ່ວງປະເພດກາງຊາຍ - ຍິງ 12 ລຳ, ຊຶ່ງມີບັນຍາກາດເບີກບານມ່ວນຊື່ນ ແລະ ຄຶກຄື້ນກວ່າຄັ້ງທີ່ຜ່ານມາ.

 

 

ໃນຕອນເຊົ້າຂອງວັນທີ 14 ຕຸລາ 2015 ຢູ່ທີ່ຫ້ອງປະຊຸມສ່ອງແສງປະຈຳອາທິດ  ( ຫ້ອງວ່າການປົກຄອງເມືອງຄົງເຊໂດນ ແຂວງສາລະວັນ ) ມີຫ້ອງວ່າການປົກຄອງເມືອງ, ຫ້ອງການກວດກາພັກ-ລັດເມືອງ, ຫ້ອງການຊົນນະບົດ ແລະ   ຫ້ອງການຈັດຕັ້ງເມືອງ ໄດ້ຈັດເຂົ້າຮ່ວມເຊື່ອມຊຶມບັນດາເນື້ອໃນສູນທອນພົດຂອງທ່ານ ຈູມມະລີ ໄຊຍະສອນ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດແຫ່ງ ສປປລາວ ທີ່ກ່າວໃນພິທີໂຮມຊຸມນຸມໃຫຍ່ ສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 60 ປີ ( 22 ມີນາ 1955 – 22 ມີນາ 2015 ), ໂດຍການເປັນປະທານຂອງ​ທ່ານ ຄຳສຸກ ແກ້ວວົງສອງ ຄະນະປະຈຳພັກເມືອງ ຮອງເຈົ້າເມືອງຄົງເຊໂດນ, ມີ​ຜູ້ເຂົ້າຮ່ວມຮັບຟັງທັງໝົດ 48ສະຫາຍ, ຍິງ 13ສະຫາຍ, ສະມາຊິກພັກ 20 ສະຫາຍ, ຍິງ 4 ສະຫາຍ; ຈຸດປະສົງແມ່ນເພື່ອເຊື່ອມຊຶມເນື້ອໃນສູນທອນພົດຂອງປະທານປະເທດ.

        ໃນຕອນບ່າຍຂອງວັນທີ 9  ກັນຍາ  2015 ແລ້ວນີ້ ຢູ່ທີ່ສະໂມສອນໃຫຍ່ຂອງເມືອງຄົງເຊໂດນ ແຂວງສາລະວັນ ສະມາຊິກສະພາແຫ່ງຊາດເຂດເລືອກຕັ້ງທີ 14 ແຂວງສາລະວັນ ຈຳນວນ 2 ທ່ານ ນໍາໂດຍ ທ່ານ ແຫວນເພັດ ລັດດາວົງ ກໍາມະການພັກແຂວງ ສະມາຊິກສະພາແຫ່ງຊາດເຂດເລືອກຕັ້ງທີ 14 ແຂວງສາລະວັນ, ທ່ານ ຂັນໃຊ ລັດຖະເຮົ້າ ກໍາມະການພັກແຂວງ ສະມາຊິກສະພາແຫ່ງຊາດ  ເຂດເລືອກຕັ້ງທີ 14 ແຂວງສາລະວັນ ​ແລະ ການເຂົ້າຮວ່ມຂອງທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ,    ມີ​ພະແນກກະສີກຳ ແລະ ປ່າໄມ້, ພະນັກງານ​ຫຼັກ​ແຫຼ່ງ, ພະນັກງານ​ລັດຖະກອນ, ພະນັກງານອາວຸໂສບໍານານ, ​ຫ້ອງການ​ອອ້ມຂ້າງ​ເມືອງ, ເລຂາຄະນະພັກຮາກຖານ ພ້ອມດ້ວຍອົງການຈັດຕັ້ງບ້ານ ເຂົ້າ​ຮວ່ມຮັບ​ຟັງ​ຈຳນວນ 140 ກວ່າທ່ານ, ຈຸດປະສົ່ງ ເພື່ອ​ເຜີ​ຍ​ແຜ່ຜົນສຳ​ເລັດ​ກອງ​ປະຊຸມ​ສະ​ໄໝສາມັນ​ເທື່ອ​ທີ 9 ຂອງສະພາ​ແຫ່ງ​ຊາດ ຊຸດ​ທີ7.

ເວລາ 8:00 ໂມງ ຂອງວັນທີ 04 ກັນຍາ 2015 ໂດຍພາຍໃຕ້ການເປັນປະທານຂອງທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກ - ເຈົ້າເມືອງຄົງເຊໂດນ ຊຶ່ງມີຜູ່ເຂົ້າຮ່ວມທັງໝົດ 159 ສະຫາຍ; ຍິງ 15 ສະຫາຍ; ໃນນັ້ນ ມີຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານກຸ່ມ, ຫົວໜ້າຫ້ອງການ, ຮອງຫ້ອງການ ພ້ອມດ້ວຍເລຂາໜ່ວຍພັກທົ່ວເມືອງ ເຂົ້າຮ່ວມຢ່າງພ້ອມພຽງ; ກອງປະຊຸມຄັ້ງນີ້ ຍັງໄດ້ຮັບກຽດເຂົ້າຮ່ວມຂອງທ່ານ ພັອ ພູວຽງ ຫຼ່ຽມມະວົງສາ ກຳມະການປະຈຳພັກແຂວງ ເລຂາຄະນະພັກ, ຫົວໜ້າກອງບັນຊາການທະຫານແຂວງສາລະວັນ ຊຶ່ງກອງປະຊຸມດັ່ງກ່າວ ໄດ້ດຳເນີນເປັນເວລາ 2 ວັນເຕັມຄື: ວັນທີ 4 - 5 ກັນຍາ 2015, ຈຸ​ດປະສົງ​ກໍ່​ແມ່ນ​ເພື່ຶອທາບທາມຮ່າງກົດລະບຽບຂອງພັກ ແລະ ທາບທາມບຸກຄະລາກອນຜູ້ອອກສະໝັກ ໃນຄະນະບໍລິຫານງານສູນກາງພັກ ສະໃໝທີ C ຮອບທີ I.