1

Get Adobe Flash player

      ເພື່ອເປັນການສືບຕໍ່ຈັດຕັ້ງປະຕິບັດ ແນວທາງປ່ຽນແປງໃໝ່ຮອບດ້ານຕາມມະຕິ 9  ຂອງພັກ, ມະຕິ 8 ຂອງອົງຄະນະພັກແຂວງ ປະຕິບັດໃຫ້ເປັນຈິງ, ຄະນະໂຄສະນາອົບຮົມແຂວງສາລະວັນ ໄດ້ລົງເຜີຍແຜ່ແນະນຳ, ຄົ້ນຄວ້າເຊື່ອມຊຶມ ມະຕິກອງປະຊຸມໃຫຍ່ຄັ້ງທີ່ 8 ຂອງອົງຄະນະພັກແຂວງສາລະວັນ ພິທີການເຜີຍແຜ່ແນະນຳດັ່ງກ່າວໄດ້ຈັດຂື້ນຢູ່ທີ່ສະໂມສອນໃຫຍ່ຂອງເມືອງຄົງເຊໂດນ ໃນຕອນບ່າຍຂອງວັນທີ 21  ຕຸລາ  2015 ແລ້ວນີ້ ໃຫ້ກຽດເປັນປະທານ ແລະ ເຜີຍແຜ່ແນະນຳໃນຄັ້ງນີ້ໂດຍ ທ່ານ ສີເຮັງ ຫອມສົມບັດ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງສາລະວັນພ້ອມດ້ວຍຄະນະ, ມີທ່ານຮອງເລຂາພັກເມືອງ, ຄະນະປະຈຳພັກເມືອງ,ກຳມະການພັກເມືອງ, ເລຂາຄະນະພັກຮາກຖານກຸ່ມບ້ານ, ຫົວໜ້າຫ້ອງການ, ຮອງຫ້ອງການ, ພະນັກງານສະມາຊິກພັກ, ພະນັກງານການນຳອາວຸໂສບຳນານ ແລະ ພະນັກງານລັດຖະກອນໃນທົ່ວເມືອງເຂົ້າຮ່ວມ 170 ກ່ວາສະຫາຍ, ຍິງ 30 ກວ່າສະຫາຍ,  ເອກະສານທີ່ນຳມາເຜີຍແຜ່ໃນຄັ້ງນີ້ມີແຜນງານ ແລະ ໂຄງການປະຈຳສົກປີ 2015 – 2016 ແລະ ວິໄສທັດຄາດໝາຍສູ້ຊົນນຳພາແຂວງສາລະວັນ    ກ້າວຂື້ນແຕ່ນີ້ຮອດປີ 2025, 2030 ແລະ ແຕ່ປີ 2016 – 2020 ມີດັ່ງນີ້: ຄາດໝາຍໃຫຍ່ຮອດປີ 2030 ຕ້ອງສ້າງແຂວງສາລະວັນ ໃຫ້ກາຍເປັນແຂວງພັດທະນາຮອບດ້ານ, ເປັນແຂວງໜຶ່ງທີ່ມີການເຕີບໂຕໄວຂອງປະເທດ, ສົ່ງເສີມເສດຖະກິດຕະຫຼາດຕາມທິດສັງຄົມນິຍົມ.