1

Get Adobe Flash player

ໃນຕອນເຊົ້າຂອງວັນທີ 2 ກັນຍາ  2015 ນີ້ຢູ່ທີ່ຫ້ອງປະຊຸມຂອງອົງການໄອຍະການປະຊາຊົນເຂດ 2 ເມືອງຄົງເຊໂດນ ແຂວງສາລະວັນ ໜ່ວຍພັກຕຸລາການໄດ້ຈັດພິທີການເຊື່ອມຊຶມບັນດາເນື້ອໃນຂອງທ່ານຈູມມະລີ ໄຊຍະສອນ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປລາວ ທີ່ກ່າວໃນພິທີໂຮມຊຸມນຸມໃຫຍ່ ສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 60 ປີ ( 22 ມີນາ 1955 – 22 ມີນາ 2015 ).

        ໂດຍການເປັນປະທານຂອງ​ທ່ານ ວັນນະລອນ ອິນທະພອນເດດ ກໍາມະການພັກເມືອງ ປະທານສານປະຊາຊົນເຂດ 2 ແຂວງສາລະວັນ, ມີ​ຜູ້ເຂົ້າຮ່ວມຮັບຟັງທັງໝົດ 30 ກວ່າສະຫາຍ, ຍິງ 10 ກວ່າສະຫາຍ, ຈຸດປະສົງຂອງການຈັດພິທີການເຜີແຜ່ ແລະ ເຊື່ອມຊຶມ ໃນຄັ້ງນີ້ ກໍ່ແມ່ນເພື່ອຍົກໃຫ້ເຫັນຜົນງານອັນພົ້ນເດັ່ນຕະຫຼອດໄລຍະຜ່ານມາ ເພື່ອເຮັດໃຫ້ພະນັກງານສະມາຊິກພັກ, ພະນັກງານລັດຖະກອນ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງກ່ຽວກັບປະຫວັດສາດມູນເຊື້ອຕໍ່ສູ້  ກູ້ຊາດ ອັນພິລະອາດຫານຂອງພັກປະຊາຊົນປະຕິວັດລາວ, ທີ່ຍາດມາໄດ້ໃນພາລະກິດຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ.