1

Get Adobe Flash player

ໃນຕອນເຊົ້າຂອງວັນພະຫັດ ເວລາ 8 ໂມງ 00 ນາທີ ຂອງວັນທີ 14 ມີຖຸນາ 2018 ທ່ານເຈົ້າເມືອງຄົງເຊໂດນພ້ອມຄະນະ ໄດ້ເດີນທາງໄປຮ່ວມງານແຂ່ງຂັນກິລາ ແລະ ເຂົ້າຮ່ວມກິດຈະກຳໂຄງການເສີມສ້າງຄວາມສຳພັນລະຫວ່າງ ປະຊາຊົນ ກັບ ປະຊາຊົນໃນພື້ນທີ່ຊາຍແດນເມືອງຄົງເຊໂດນ-ອໍາເພີໂຂງຈຽມ ຈັງຫວັດອຸບົນຣາຊະທານີ ຣາຊະອານາຈັກໄທ ຕາມຄໍາເຊີນຂອງທ່ານ ນາຍອໍາເພີໂຂງຈຽມ ຈັງຫວັດອຸບົນຣາຊະທານີ ຣາຊະອານາຈັກໄທ ໃນນີ້ ຄະນະຜູ້ແທນເມືອງຄົງເຊໂດນເຂົ້າຮ່ວມທັງໝົດ  33 ທ່ານ ຍິງ 3 ທ່ານ.

ຈຸດປະສົງການເຂົ້າຮ່ວມງານໃນຄັ້ງນີ້ ກໍ່ແມ່ນເພື່ອເປັນການເຊື່ອມສໍາພັນລະຫວ່າງ ເມືອງຄົງເຊໂດນ ແຂວງສາລະວັນ ສປປ ລາວ ກັບ ອຳເພີໂຂງຈຽມ ຈັງຫວັດອຸບົນຣາຊະທານີ ໃນການແລກປ່ຽນ, ຮຽນຮູ້, ເສດຖະກິດ, ສັງຄົມ, ວັດທະນະທຳ ແລະ ປະເພນີທ້ອງຖິ່ນ ລະຫວ່າງ ເມືອງ ແລະ ເປັນການສົ່ງເສີມຄວາມສະໝານສາມັກຄີ, ສ້າງຄວາມສຳພັນລະຫວ່າງສ່ວນຣາຊະການໄທ ແລະ ສປປ ລາວ ລວມທັງເພື່ອເສີມການອອກກຳລັງກາຍ ແລະ ເສີມສ້າງສຸຂະພາບຮ່າງກາຍທີ່ແຂງແຮງ

 ພິທີຢ່າງເປັນທາງການໄດ້ເປີດຂຶ້ນໃນເວລາ 09:00 ນາທີ ໂດຍ ນາຍ ສີລິໄຊ ອິດທິວົງສຸພະກິດ ນາຍອຳເພີໂຂງຈຽມ ເປັນຜູ້ກ່າວເປີດ ຈາກນັ້ນ ທ່ານ ບຸນປອນ ອາສາພິພັກ ເຈົ້າເມືອງໆຄົງເຊໂດນ ໄດ້ກ່າວປະກອບຄວາມຄິດຄຳເຫັນ ເພື່ອແລກປ່ຽນບົດຮຽນເຊິ່ງກັນ ແລະກັນ ຫຼັງຈາກເສັດພິທີທັງສອງເມືອງກໍໄດ້ຮ່ວມກັນປູກຕົນໄມ້ເປັນທີ່ລະນຶກ.

 ເວລາ 11:20 ນາທີ ຖວາຍພັດຕະຫານເພນ ແດ່ພະສົງສຳມະເນນ ທີ່ວັດບ້ານຄັນທ່າກວຽນ ຈາກນັ້ນກໍໄດ້ເຂົ້າຮ່ວມຮັບປະທານອາຫານທ່ຽງ ເຊິ່ງບັນຍາກາດໃນງານເຕັມໄປດ້ວຍຄວາມສະໝານສາມັກຄີ ແລະ ປ່ຽມລົ້ນໄປດ້ວຍໄມຕີຈິດ ມິດຕະພາບຂອງສອງຝັ່ງຂອງ.

 ເລີ່ມແຕ່ເວລາ 13:00 ນາທີ ກໍ່ໄດ້ຈັດກິດຈະກຳແຂ່ງຂັນກິລາ ກະຊັບຄວາມສຳພັນລະຫວ່າງສອງເມືອງໆຄົງເຊໂດນ-ອຳເພີໂຂງຈຽມດ້ວຍບັນຍາກາດທີ່ຄຶກຄື້ນເບີກບານມ່ວນຊື່ນ ແລະ ເປັນກັນເອງໃນການແຂ່ງຂັນກິລາໃນຄັ້ງນີ້.

   ຮອດເວລາ 15:30 ນາທີ ທ່ານເຈົ້າເມືອງໆຄົງໂດນພ້ອມຄະນະ ຈຳນວນ 33 ທ່ານໄດ້ເດີນທາງກັບປະເທດດ້ວຍຄວາມສະຫວັດດີພາບ ແລະ ປອດໄພທຸກປະການ.

      ໃນວັນທີ 9 ພຶດສະພາ ຜ່ານມານີ້ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 14 ແຂວງສາລະວັນ ໄດ້ລົງເຄື່ອນໄຫວພົບປະໂອ້ລົມ ກັບພໍ່ແມ່ປະຊາຊົນໃນ 2 ກຸ່ມຄື: ກຸ່ມຕານປ່ຽວ ແລະ ກຸ່ມແກ້ງໂຄນ ເມືອງຄົງເຊໂດນ ແຂວງສາລະວັນ ໂດຍພາຍໃຕ້ການເປັນປະທານຂອງທ່ານ ສົມເລັດ ຈຸນລະມະນີ ກຳມະການພັກແຂວງ ປະທານສະມາຊິກສະພາແຫ່ງຊາດເຂດເລືອກຕັ້ງທີ 14 ແຂວງສາລະວັນ ແລະ ໃຫ້ກຽດເຂົ້າຮ່ວມໂດຍແມ່ນທ່ານ ຄຳວັງ ສີລິຍະ ຄະນະປະຈຳພັກເມືອງ ປະທານແນວລາວສ້າງຊາດເມືອງ ນອກຈາກນັ້ນ ຍັງມີທ່ານ ໃນສະມາຊິກສະພາ ຕະຫຼອດຮອດເລຂາຄະນະພັກຮາກຖານກຸ່ມ, ເລຂາຄະນະພັກບ້ານ,ນາຍບ້ານ ອຳນາດການປົກຄອງ ແລະ ພໍແມ່ປະຊາຊົນເຂົ້າຮ່ວມຮັບຟັງ.

ອ່ານເພີ່ມເຕີມ... 

       ໃນຕອນເຊົ້າຂອງວັນທີ 14 ກຸມພາ ນີ້ ທ່ານ ບຸນປອນ ອາສາພິພັກ ເຈົ້າເມືອງໆຄົງເຊໂດນ ພ້ອມດ້ວຍ ທ່ານ ຄໍາເຜືອ ຄູນນິດໃສ ຄະນະປະຈໍາພັກເມືອງ ປະທານຈັດງານປີທ່ອງທ່ຽວລາວ 2018 ທີ່ເມືອງຄົງເຊໂດນ, ໄດ້ລົງຕິມຕາມກວດກາ ແລະ ຊຸກຍູ້ອະນຸກຳມະການກ້ອນກໍາລັງ 5 ຢູ່ທີ່ໂຮງຮຽນ ມສ ສາລະວັນດານັງ ການລົງເຮັດວຽກ ແລະ ຊຸກຍູ້ຂະບວນກ້ອນກຳລັງໃນຄັ້ງນີ້ ບັນດາທ່ານທີ່ເຂົ້າຮ່ວມໄດ້ມີການປະກອບຄຳຄິດຄຳເຫັນແລກປ່ຽນບົດຮຽນ ໂດຍສະເພາະທ່ານໄດ້ເນັ້ນຫນັກເປັນພິເສດໃນການເຝິກຊ້ອນແຕ່ລະກ້ອນກຳລັງ ຈົ່ງເປັນເຈົ້າການ ແລະ ເອົາໃຈໃສ່ເປັນພິເສດໃນການແອບຢ່າງ, ແອບຟ້ອນໃຫ້ຖືກຈັ່ງຫວະ ເພື່ອຄວາມຈົບງາມ ແລະ ຄວາມເປັນລະບຽບ.

 

ພິທີໂຮມຊຸມນຸມສະເຫຼີມສະຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ ໄດ້ຈັດຂື້ນຢ່າງຄຶກຄື້ນ ໃນຕອນເຊົ້າຂອງວັນທີ 8 ພະຈິກ 2017 ນີ້, ທີ່ເດີ່ນກິລາເມືອງຄົງເຊໂດນ ໂດຍເປັນກຽດເຂົ້າຮ່ວມເປັນປະທານຂອງທ່ານ ບຸນປອນ ອາສາພິພັກ ກໍາມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ, ມີບັນດາທ່ານ, ຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ຮອງຫ້ອງການ, ຜູ້ຊົງຄຸນວຸດທິ ອາວຸໂສບໍານານ, ພະນັກງານ, ພ້ອມດ້ວຍກໍາລັງປະກອບອາວຸດທະຫານ, ຕໍາຫຼວດ, ຄູອາຈານ ແລະ ນັກຮຽນ ຕະຫຼອດຮອດພໍ່ແມ່ປະຊາຊົນລາວບັນດາເຜົ່າເຂົ້າຮ່ວມຢ່າງເປັນຂະບວນຟົດຟື້ນ.

ອ່ານເພີ່ມເຕີມ... 

ທ່ານ ບຸນທັນ ລືເດດມູນສອນ ຮອງເລຂາພັກເມືອງ ປະທານກວດກາພັກ-ລັດເມືອງ ພ້ອມດ້ວຍບັນດາຄະນະນໍຂອງເມືອງ ໄດ້ພ້ອມກັນເຂົ້າວາງກະຕ່າດອກໄມ້ ຕໍ່ໜ້າຮູບປັ້ນ ທ່ານ ໄກສອນ ພົມວິຫານ ຢູ່ທີ່ອະນຸສອນສະຖານ ໃນຕອນບ່າຍ ຂອງວັນທີ 7 ທັນວາ ເນື່ອງໃນໂອກາດ ວັນຄ້າຍວັນເກີດ ຄົບຮອບ 97 ປີ ເພື່ອສະແດງຄວາມຮູ້ບຸນຄຸນ ຕໍ່ວິລະບູລຸດຂອງຊາດລາວ ທີ່ໄດ້ນໍາພາປ່ວງຊົນລາວບັນດາເຜົ່າຕໍ່ສູ້ຍາດໄດ້ໄຊຊະນະ ແລະ ສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ    2 ທັນວາ 1975.

 

ໃນວັນທີ 7 ທັນວາ ນີ້ ເມືອງຄົງເຊໂດນ ໄດ້ຈັດພິທີປາຖະກະຖາກ່ຽວກັບວັນປະຫວັດສາດສໍາຄັນຂອງຊາດ ໂດຍໃຫ້ກຽດ ເປັນປະທານ ແລະ ເຜີຍແຜ່ຂອງທ່ານ ບຸນປອນ ອາສາພິພັກ ເຈົ້າເມືອງໆຄົງເຊໂດນ, ໃນພິທີມີບັນດາທ່ານຄະນະນໍາຂັ້ນເມືອງ ພ້ອມດ້ວຍພະນັງານລັດຖະກອນ ແລະ ສອງກໍາລັງປະກອບອາວຸດເຂົ້າຮ່ວມຮັບຟັງ.

ອ່ານເພີ່ມເຕີມ... 

ໃນວັນທີ 1 ທັນວາ 2017 ນີ້ ທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ   ພ້ອມດ້ວຍຄະນະນໍາຂັ້ນເມືອງ, ຫົວໜ້າຫ້ອງການທີ່ກ່ຽວຂ້ອງ ໄດ້ສົມທົບກັບຄະນະພັກຮາກຖານກຸ່ມບ້ານນາໂນງ ລົງຊຸກຍູ້ໃຫ້ພໍ່ແມ່ປະຊາຊົນ 10 ບ້ານຄື: ບ້ານຊາຍມົນ, ຊາຍຄໍາ, ນາໂນງ, ຫີນຕັ້ງ, ນາກອກ, ນາສະດອງ, ໂຄກຫີນກອງ, ກຸດຫີນ, ນາໂພໃຊ ແລະ ບ້ານຄໍາຕື້ ພ້ອມດ້ວຍອ້າຍນ້ອງກອງບັນຊາການທະຫານເມືອງ ສ້າງຂະບວນການອອກແຮງງານລວມ ສ້ອມແປງເສັ້ນທາງທີ່ເປເພ ໂດຍສະເພາະຢູ່ເສັ້ນທາງຂອງແຕ່ຄ້ອຍພູຂອງບ້ານຊາຍຄໍາ ຫາ ບ້ານຄໍາຕື້, ການອອກແຮງງານໃນຄັ້ງນີ້, ອໍານາດການປົກຄອງບ້ານ ໄດ້ນໍາພາພໍ່ແມ່ປະຊາຊົນອະນາໄມ - ຖາງປ່າຕາມແຄມທາງ, ອະນາໄມ້ຄ່ອງ, ຖົ່ມບ່າທາງ ແລະ ໜ້າທາງ ໂດຍການຂຸດຊ້ວນດິນ ພ້ອມທັງເກັບຫີນໃສ່ຕາມເສັ້ນທາງບ່ອນທີ່ເປັນຂຸມ ເຊິ່ງມີໄລຍະທາງໃນການສ້ອມແປງທັງໝົດ 20 ກວ່າກິໂລແມັດ ມີຈໍານວນ ແຮງງານທັງໝົດ 510 ກວ່າແຮງງານ ຍິງ 120 ກວ່າແຮງງານ ທັງນີ້ກໍ່ເພື່ອເຮັດໃຫ້ ການດີນທາງໄປ - ມາຫາສູ່ກັນ ລະຫວ່າງບ້ານຕໍ່ບ້ານ ແລະ ບ້ານຫາເມືອງ ມີຄວາມສະດວກສະບາຍດີຂື້ນກວ່າເກົ່າ.

 

ໃນຕອນເຊົ້າເວລາ 8 ໂມງ 00 ນາທີ ຂອງວັນທີ 3 / 11 / 2017 ຄະນະນຳຂອງເມືອງຄົງເຊໂດນ ແຂວງສາລະວັນ ແລະ ຄະນະນໍາຂອງເມືອງຊະນະສົມບູນ ແຂວງຈຳປາສັກ ໄດ້ເດີນທາງໄປຮ່ວມງານຊ່ວງເຮືອປະເພນີ ຕາມຄໍາເຊີນຂອງທ່ານ ນາຍອໍາເພີໂຂງຈຽມ ຈັງຫວັດອຸບົນຣາຊະທານີ ຣາຊະອານາຈັກໄທ ໃນນີ້ ຄະນະຜູ້ແທນເມືອງຄົງເຊໂດນເຂົ້າຮ່ວມທັງໝົດ  12 ທ່ານ ຍິງ 0 ທ່ານ.

ອ່ານເພີ່ມເຕີມ... 

ກອງປະຊຸມຄົບຄະນະບໍລິຫານງານພັກເມືອງຄົງເຊໂດນ ຄັ້ງທີ 7 ສະໄໝທີ VIIໄດ້ຈັດຂື້ນໃນ ວັນທີ 22 ກັນຍາ 2017 ຜ່ານມາແລ້ວນີ້ ຢູ່ທີ່ຫ້ອງປະຊຸມຂອງຫ້ອງວ່າການປົກຄອງເມືອງຕົງເຊໂດນ, ໂດຍການເປັນປະທານຂອງທ່ານ ພູວຽງ ຫຼ່ຽມມະວົງສາ ຄະນະປະຈໍາພັກແຂວງ, ທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງຄົງເຊໂດນ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານ, ພ້ອມດ້ວຍຫົວໜ້າຫ້ອງການໃນທົ່ວເມືອງເຂົ້າຮວມ.

ອ່ານເພີ່ມເຕີມ... 

ເມືອງຄົງເຊໂດນຈັດພິທີສະເຫຼີມສະຫຼອງ 2 ວັນປະຫວັດສາດຄື: ວັນສ້າງຕັ້ງສາຍພົວພັນການທູດລາວ - ຫວຽດນາມ ຄົບຮອບ 55 ປີ ( ວັນທີ 5 ກັນຍາ 1962 – 5 ກັນຍາ 2017 ) ແລະ ວັນເຊັນສັນຍາມິດຕະພາບ ແລະ ການຮ່ວມມືຮອບດ້ານ ຄົບຮອບ 40 ປີ ( ວັນທີ 18 ກໍລະກົດ 1977 – 18 ກໍລະກົດ 2017 ).

ອ່ານເພີ່ມເຕີມ... 

ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ລົງເຄື່ອນໄຫວຜັນຂະຫຍາຍ ແລະ ໂຄສະນາເຜີຍແຜ່ຜົນສໍາເລັດຂອງກອງປະຊຸມສະໄໝສາມັນເທື່ຶອທີ 3 ຂອງສະພາແຫ່ງຊາດຊຸດທີ 8 ແລະ ສະພາປະຊາຊົນແຂວງຊຸດທີ 1 ໃນວັນທີ 11 ກັນຍາ 2017 ຜ່ານມາແລ້ວນີ້, ຢູ່ທີ່ 2 ຈຸດໃຫຍ່ຄື: ຈຸດເທດສະບານເມືອງ ແລະ ຈຸດບ້ານໜອງໂນ ກຸ່ມນາປົ່ງ ນໍາໂດຍທ່ານ ສົມເລັດ ຈຸລະມະນີ ກໍາມະການພັກແຂວງ ປະທານຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 14 ແຂວງ ສາລະວັນ, ມີບັນດາທ່ານ ຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານກຸ່ມບ້ານ, ພະນັກງານອາວຸໂສບໍານານ, ຫົວໜ້າຫ້ອງການ ຕະລອດຮອດພະນັກງານລັດຖະກອນອ້ອມຂ້າງເມືອງເຂົ້າຮ່ວມຢ່າງພ້ອມພຽງ.

ອ່ານເພີ່ມເຕີມ... 

ທ່ານ ບຸນປອນ ອາສາພິພັກ ກຳມະການພັກແຂວງ ເລຂາພັກເມືອງ ເຈົ້າເມືອງໆຄົງເຊໂດນ ພ້ອມດ້ວຍພະນັກງານວິຊາການທີ່ກ່ຽວຂ້ອງພາຍໃນເມືອງ ໄດ້ນໍາເອົາເຄື່ອງຊ່ວຍເຫຼືອ ທີ່ໄດ້ມາຈາກການປະກອບສ່ວນຊ່ວຍເຫຼືອຂອງສັງຄົມ  ໄປມອບໃຫ້ພໍ່ແມ່ປະຊາຊົນຜູ້ທີ່ປະສົບໄພນໍ້າຖ້ວມ.

ອ່ານເພີ່ມເຕີມ... 

ຄະນະນໍາຂອງເມືອງຄົງເຊໂດນພ້ອມດ້ວຍສະມາຊິກພາປະຊາຊົນແຂວງສາລະວັນລົງພົບປະອໍານາດການປົກຄອງ ແລະ ພໍ່ແມ່ປະຊາຊົນ ທີ່ໄດ້ຮັບຜົນກະທົບຈາກໄພພິບັດນໍ້າຖ້ວມໃນຄັ້ງນີ້ ໃນຕອນເຊົ້າຂອງວັນທີ 28 ກໍລະກົດນີ້ ທ່ານ  ກໍ່າ ແສງມະນີ ຮອງເລຂາພັກເມືອງ, ພ້ອມດ້ວຍສະມາຊິກສະພາປະຊາຊົນຂັ້ນແຂວງສາລະວັນ ແລະ ຄະນະນໍາຂັ້ນເມືອງ ໄດ້ລົງຊີ້ນໍາຕິດຕາມກວດກາ ແລະ ຖາມຄວາມສຸກທຸກຊີວິດການເປັນຢູ່ຂອງພໍ່ແມ່ປະຊາຊົນ 2 ຈຸດໃຫຍ່ ມີ 7 ບ້ານຄື:

ອ່ານເພີ່ມເຕີມ... 

    ໃນຕອນເຊົ້າຂອງວັນທີ 27 ກໍລະກົດນີ້, ທ່ານ ພູວຽງ ຫຼ່ຽມມະວົງສາ ຄະນະປະຈໍາພັກແຂວງ ເລຂາຄະນະພັກ ຫົວໜ້າກອງບັນຊາການທະຫານແຂວງສາລະວັນ ພ້ອມດ້ວຍຄະນະນໍາຂອງເມືອງ ໄດ້ລົງຊີ້ນໍາ ຕິດຕາມກວດກາ ແລະ ຖາມຄວາມສຸກທຸກຊີວິດການເປັນຢູ່ ຂອງພໍ່ແມ່ປະຊາຊົນ 3 ບ້ານ ຜູ້ທີ່ອາໄສຢູ່ພື້ນທີ່ຕໍ່າ ທີ່ຖືກໄພນໍ້າຖ້ວມຢ່າງໜັກໜ່ວງຄື: ບ້ານແກ້ງຫວດ ມີເນື້ອທີ່ຖືກຖ້ວມ 180 ກວ່າເຮັກຕາ, ມີຄອບຄົວທີ່ຖືກຜົນກະທົບ 157 ຄອບຄົວ 186 ຫຼັງຄາເຮືອນ ມີຈໍານວນພົນ 930 ກວ່າຄົນ, ຍິງ 450 ກວ່າຄົນ, ບ້ານທວງເຊ ມີເນື້ອທີ່ຖືກຖ້ວມ 270 ກວ່າເຮັກຕາ, ມີຄອບຄົວທີ່ຖືກຜົນກະທົບ 107 ຄອບຄົວ, 122 ຫຼັງຄາເຮືອນ, ມີຈໍານວນພົນ 370 ກວ່າຄົນ ຍິງ 170 ກວ່າຄົນ ແລະ ບ້ານຫາດຊາຍຄໍາ ມີເນື້ອທີ່ຖືກຖ້ວມ 140 ກວ່າເຮັກຕາ, ມີຄອບຄົວທີ່ຖືກຜົນກະທົບ 47 ຄອບຄົວ 57 ຫຼັງຄາເຮືອນ ມີຈໍານພົນ 600 ກວ່າຄົນ ຍິງ 300 ກວ່າຄົນໃນການລົງໄປຄັ້ງນີ້ ທ່ານກໍ່ໄດ້ນໍ້າເອົານໍ້າດື່ມຈໍານວນໜຶ່ງໄປມອບໃຫ້ຄອບຄົວຂອງພໍ່ແມ່ປະຊາຊົນຜູ້ທີ່ຂາດນໍ້າກິນ ໃນໂອກາດນີ້ທ່ານຍັງໄດ້ຮຽກຮ້ອງ ແລະ ເນັ້ນໃຫ້ອໍານາດການປົກຄອງບ້ານ ແລະ ພໍ່ແມປະຊາຊົນບັນດາເຜົ່າ ຈົ່ງມີສະຕິລະວັງຕິດຕາມລະດັບນໍ້າຢ່າງໃກ້ຊິດຢູ່ຕະຫຼອດເວລາ ຖ້າເຫັນວ່າຝົນຍັງຕົກ ຫຼື ລະດັບນໍ້າທີ່ຖ້ວມຍັງເພີ່ມຂື້ນກໍ່ຄວນເກັບມ້ຽນສັບສິນໄວ້ບ່ອນສູງ ແລ້ວກໍ່ອອກຫາໄປຢູ່ບ່ອນທີ່ປອດໄພ ໃນໂອກາດນີ້ທ່ານຍັງໄດ້ເນັ້ນໜັກໃຫ້ອໍານາດການປົກຄອງບ້ານ ແລະ ພໍ່ແມ່ປະຊາຊົນ ຈົ່ງມີຄວາມອຸ່ນອ່ຽງທຸ່ນທ່ຽງ ເຊື່ອໜັ້ນຕໍ່ການຊີ້ນໍາ-ນໍາພາຂອງພັກ ຮັກສາຄວາມສາມັກຄີເປັນປຶກແຜ່ນ ແໜ້ນໜາຊ່ວຍເຫຼືອເຊິ່ງກັນ ແລະ ກັນ.

 

ໃນລະຫວ່າງວັນທີ 26-27 ພະຈິກ 2014 ຜ່ານມານີ້ເມືອງຄົງເຊໂດນໄດ້ດຳ​ເນີນ​ກອງປະຊຸມໃຫຍ່ຂອງຜູ້ແທນອົງຄະນະພັກເມືອງຂອງຕົນຂື້ນຢ່າງເປັນທາງການພາຍໃຕ້ການເປັນປະທານຂອງສະຫາຍສີເຮັງ​ ຫອມສົມບັດ ກຳມະການ​ປະຈຳ​ພັກ​ແຂວງ-ຮອງເຈົ້າແຂວງໆສາລະວັນສະຫາຍ ຄຳພຽງ ທຳມະວົງ ວ່າການ​ເລຂາ​ພັກ​ເມືອງ-​ເຈົ້າ​ເມືອງ​ຄົງ​ເຊ​ໂດນ, ​ບັນດາສະຫາຍຄະນະປະຈຳພັກເມືອຜູ້ແທນສົມບູນ 102 ສະຫາຍຍິງ 7 ສະຫາຍ ​ແລະແຂກທີ່ຖືກເຊີນທັງຂັ້ນເມືອງ​ ແລະ ຂັ້ນແຂວງ​ ພ້ອມດ້ວຍພະນັກງານບໍານານປະຕິວັດອາວຸໂສເຂົ້າຮ່ວມເປັນຈຳນວນຫຼວງຫຼາຍ.

 

ອ່ານເພີ່ມເຕີມ...