1

Get Adobe Flash player

ໃນຕອນເຊົ້າຂອງວັນທີ 19 ມີຖຸນາ 2018ນຳໂດຍທ່ານ ຄຳສຸກ ແກ້ວວົງສອງ ຄະນະປະຈຳພັກເມືອງ, ມີພະນັກງານຈາກຂະແໜງຕ່າງໆທີ່ກ່ຽວຂ້ອງຈາກເມືອງ ແລະ ແຂວງ ໄດ້ພ້ອມກັນລົງສຳຫລວດຂໍ້ມູນພື້ນຖານແຫຼ່ງທ່ອງທ່ຽວວັງຢ່າງ ເຊິ່ງຕັ້ງຢູ່ບ້ານມ່ວງຊຸມ ກຸ່ມແກ້ງຫວດ ເມືອງຄົງເຊໂດນ ແຂວງສາລະວັນ ຫ່າງຈາກທາງເລກທີ 13ເຂົ້າໄປປະມານ 3 km ເຊິ່ງມີນ້ຳຕົກຕາດທີ່ງົດງາມ ແລະ ທຳມະຊາດອັນອຸດົມສົມບູນ ເໝາະແກ່ການໄປຫລິ້ນນ້ຳທີ່ໃສ່ສະອາດຈາກທຳມະຊາດ, ໄປຢ່າງປ່າເບິ່ງນົກ, ໜູ, ເຫັນ, ແລ່ນ, ຫອຍ ແລະ ອື່ນໆ. ດັ້ງນັ້ນ ທາງເມືອງຈຶ່ງໄດ້ລົງສຳຫຼວດຄວາມເປັນໄປໄດ້ທີ່ຈະພັດທະນາເປັນແຫຼ່ງທ່ອງທ່ຽວໃນອະນາຄົດ.

 

   ພຣະ​ເຈົ້າ​ໃຫຍ່ອົງ​ຕື້ວັດ​ສີ​ມັງ​ຄະລາ​ລາມ​ບ້ານ​ໂອກາດ​ໃຫຍ່ ມີ​ປະຫວັດ​ຄວາມ​ເປັນ​ມາ​ແຕ່​ດົນນານ​ຕາມ​ຕຳນານ​ເລົ່າ​ຂານ​ກັນ​ມາ ​ແຕ່​ຍັງ​ບໍ່​ມີ​ເອກະສານ​ຢັ້ງຢືນ​ໄດ້​ຢ່າງ​ຊັດ​ເຈນ​ວ່າ​​ໃຜ​ເປັນ​ຜູ້​ສ້າງ ຕາມ​ຄຳ​ເລົ່າ​ລື​ຂ​ອງຊາວບ້ານ​ໃຫ້​ຮູ້​ວ່າ ພາຍຫຼັງ​ທີ່​ພຣະອົງ​ຕື້​ຖືກ​ສ້າງ​ຂຶ້ນ​ແລ້ວ ກໍ​ມີພໍ່​ແກ​ດ​-​ແມ່​ແກ​ດ​ເປັນ​ຜູ້​ປົກ​ປັກ​ຮັກສາ ຊຶ່ງ​ສັນ​ນິຖານ​ວ່າ ພຣະອົງ​ຕື້​ ອາດ​ສ້າງຂຶ້ນ​ໃນ​ສະ​ໄໝ ພະ​ເຈົ້າ​ໄຊ​ຍະ​ເສດ​ຖາ​ທິຣາດ ​ເດີມ​ທີ​ບ້ານ​ໂອກາດ​ໃນ​ເມື່ອ​ກ່ອນ​ແມ່ນ​ແບ່ງ​ອອກ​ເປັນ 2 ຄຸ້ມ​ຄື: ຄຸ້ມ​ຝ່າຍ​  ເໜືອ​ແມ່ນ​ປົກ​ປ້ອງ​ພຣະທາດ​ອົງ​ຕື້, ຄຸ້ມ​ຝ່າຍ​ໃຕ້​ແມ່ນ​ປົກ​ປ້ອງ​ບ້ານ (ນັບຖື​ຜີ) ​ໂດຍ​ປະຊາຊົນ​ທີ່​ມາ​ຕັ້ງ​ຖິ່ນ​ຖານ​ພາຍ​ໃນ​ບ້ານ​ແມ່ນ​ກຸ່ມ​ຄົນ​ທີ່​ເປັນ​ຂ້າ-ຂອມ​ ຊຶ່ງ​ມີ​ປາກົດການ​ສະ​ແດງ​ໃຫ້​ເຫັນ​ຄື​ເຄື່ອງ​ມື​ທີ່​ເປັນ​ກອກຢາ​ສູບ​ແບບ​ດັ້ງ​ເດີມ ​ໂດຍ​ເຮັດ​ຈາກ​ດິນ​ເຜົາ ​ແລະ ກ້ອນ​ດິນ​ຈີ່​ທີ່​ສ້າງ​ກອງ​ທາດ​ສອງ​ກອງນັ້ນ ເປັນ​ກ້ອນ​ດິນ​ຈີ່​ທີ່​ເຜົາ​ຈາກ​ດິນ​ໜຽວ​ໃນຍຸກ​​ເກົ່າ​ແກ່ບໍ່​ເໝືອນ​ກັບ​ກ້ອນ​ດິນ​ຈີ່​ໃນ​ຍຸກ​ປັດຈຸບັນ.

ອ່ານເພີ່ມເຕີມ...